PEDHUT ING LANGIT MAJAPAIT.
jejer
Ksatriyan Dharmaputra.
Gendhing....
I. Ra Kuti ngamuk...... ngrasakne susah lan nesu karo
Prabu Jayanegara ...
POCAPAPAN
....
njangget
rasa atine Ra Kuti dene sang Prabu wani nggonjak garwane presasat pada karo
ngilani dhadha nepak mbun-mbunan. Kamangka ora kurang-kurang denya labuh kanggo
kayuwanane Praja Majapahit. ing antarane para Dharmaputra,
tambuh-tambuh solahe sang rakyan Ra Kuti.... ngemuti garwa kinasih kang
wus lampus diri awit rinuda peksa dening Gustine anenggih prabu Jaya Negara..
dereng dangu kesaru sowane para Dharmaputra... :"
Ra Kembar : kakang... kakang Ra Kuti.... aja
dadi penggalihmu sajak mendhung ngendanu nglimputi atimu.... ana penggalihmu
kang ngendi dene Kakang Rakyan duka yayah sinipi.... :" Hee... Ra Kembar,
Ra Banyak, Ra Wedheng, Ra Tanca. lek na mripatmu jerengen gobogmu... kepriye
rasane atimu yen ditinggal mati karo biji sibg tresnani awit pokal gawene si
Kala gemet.... Rembug wos ing gati kepriye carane males ukum marang Prabu
Jayanegara dene wis wani ngrusak bale somahe ngrudapeksa garwane nganti
wekasane kepeksa kudu lampus diri suduk slira. miwiti mbukak rembug Ra Kuti
mbagekne para sedulure Para Dharmaputra . :" Sedulurku kabeh wae, matur
nuwun dene wis kersa rawuh ing wismaku kene.. :" ya kakang Rakyan, sajak
ana gawe aku nderek kersamu. wangsulane Ra Tanca. :" Ngene lho... sira
kabeh wis padha mangerteni yen bojoku klakon dadi lan patine awit saka pokale
si Kala Gemet . rasane atiku ora lega yen durung bisa males ukum lan njongkeng
Keprabon Majapait . Mula aku njaluk panyengkuyunge Sedulurku kabeh wae, amrih kaleksanan karepku, dimen ora akeh
korban kanggo keluwarga liyane. 
wos ing rembug.
Pungkasane ing parepatan mutusake niate mau, Ra Kuti gawe prajurit baris
pendhem ing pamrih bisa njongkeng keprabon Majapait lan Sang Prabu Jayanegara
kudu sirna. Sawise mepak wadya sing dianggep gamben olahing yuda, sawijining
wengi Ra Kuti lan kanca-kancane meksa mlebu kraton.
wos ing rembug.
Pungkasane ing parepatan mutusake niate mau, Ra Kuti gawe prajurit baris
pendhem ing pamrih bisa njongkeng keprabon Majapait lan Sang Prabu Jayanegara
kudu sirna. Sawise mepak wadya sing dianggep gamben olahing yuda, sawijining
wengi Ra Kuti lan kanca-kancane meksa mlebu kraton.
II. Perang
gagal....
Para
senopati perang lan jaga truna, sing lagi tungguk kemit dadi korban kumilate
pedhange Ra Kuti sak wadyabalane. patih Aryo Tadhah, lan para priyagung klakon
dadi bandan... Waspada Sang Bekel Mada ya Joko Mada kang wektu iku isih dadi
lurahe bhayangkara sing mligi njaga kawilujengane sang Prabu. Sri Jayanegara
digendhong digawa mlayu diiring para bhayangkara cacah limalas klebu :"
gajah Enggon, Macanliwung, Gagak Bongol, kuda Panegar... Ngerti burone
lolos sak kala muntab kanepsone mbengok pretah prajurite. :" Hee.. Ra
Wedheng, Ra Tanca.. oyaken Jayanegara, cekelen urip apa mati... Para prajurite
sing diprentah nyebar ngoyak playune Sang prabu JayaNegara.
Ngerti burone
lolos sak kala muntab kanepsone mbengok pretah prajurite. :" Hee.. Ra
Wedheng, Ra Tanca.. oyaken Jayanegara, cekelen urip apa mati... Para prajurite
sing diprentah nyebar ngoyak playune Sang prabu JayaNegara.
III. Adegan
Kabuyutan Bedhandher..
Bekel mada
nrabas alas gledhegan nganti teka perenge gunung pandhan. yaiku Desa Bedhander.
Sang prabu diajak namur kawula ana ing omahe Buyut Bedhander, bekel Mada
diadhep Sambit abdi peladene prabu Jayanegara... :" Mada aku tak bali
dhisik ya awit bojoku rasane arep nglairake aku kepengin nunggoni laire
anakku.. :" Ora bisa iki swasana gawat, ora ana sing bisa ninggalake papan
iki. Kasugenganane Sang Prabu lan Majapait luwih utama tinimbang liyane...
wangsulane bekel Mada teges. :" Ora bisa aku luwih perlu kluwargaku...
wangsulane Sambit rada ngeyel. :" He.. Sambit ngendi ana kowe rabi lagi
telung wulan bojomu arep nglairake.. kuwi mung alesamu wae yen kowe arep
ninggal tanggung jawab. kowe kena bali nanging sirahmu tinggalen neng kene...
Sambit nesu perang mungsuh Bekel mada kalah mati... kena kerise dewe... :"
Madaa... ko.. kowee...?? Sambit kaget ngempet lara karo nuding Jaka Mada..
:" Hee Sambit rungokna sakdurunge pecat nyawamu.... sekawit pancen aku wis
sujana karo tingkahmu, wiwit tak ajak… lunga saka kraton, ya
menungsa sing kaya kowe ing mbesuke wani ngorbanake wong liya kanggo butuhmu
dewe.... :" Mada... ko.. kowe pancen keparaat.. tembunge Sambit bareng lan pecate
nyawane. Mada pamit marang Sang Prabu
Jayanegara Kanggo nliti kahanan Kuthagara Majapait.
IV. Adegan Tepis wiring MAJAPAIT ...
Sak tekane
Majapahit, Gajah Mada nemoni para Nayaka lan prajurit. Para
menteri lan prajurit pada pitakon bab keslametane Prabu Jayanegara. Gajah
Mada nuduhake rasa susah. Dheweke crita yen Sang Prabu Jayanegara
wis seda diperjaya prajurite Ra Kuti. :" wis ra susah ngarep-arep Sang
Prabu..? Dheweke wis seda diprejaya dening
prajurite Ra kuti... kandhane Bekel mada karo lemes... Krungu tembunge
Gajahmada, para menteri lan prajurit sing isih setya marang Sri kerta rejasa
katon loyo kelangan krekat lan daya kekuwatane, nglimpruk kaya wis ora duwe
pengarep-arep maneh.... susah
banget, ketang bektine marang Ratu Gustine.
:" terus kepriye Mada,....? Majapait arep dadi apa.... pitakone
Arya Gagak biru... :" aku ora bisa kandha maneh kejaba yen
kowe-kowe kabeh isih duwe kasetyan marang praja.... aku mengko tak golek dalan
kepriye murih becike.... semaure Gajahmada :" terus kuwandane sang prabu ana ngendi...? pitakone
Arya Podhang gati.. :" Aku dewe ora ngerti mung kabar mau saka salah
sijine pengalasan sing saiki wis tumeka ing pati. kabeh alok jayanegara
mati... .. Biwara bab sedane Prabu
Jayanegara wis mrantah sak indenge pura Majapait . Nganti Ra Kuti sak sedulur Dharmaputra uga keprungu.
V. Adegan
Kraton Majapait
Ra Kuti sak
balane seneng-seneng. ngombe waragang nganti mendem... Bekel Mada mlangkah
mlebu kraton diiringi Patih Arya Tadhah Ratu Tribuwana Tungga dewi lan Ratu
Gayatri. sing wis diluwari saka pakunjaran lan
ngadeg ing mburine Bekel mada. :" Hee
Ra Kuti , ra Banyak, lan kabeh wae sing ana kene... lekna
mripatku, jerengen gobogmu... dina iki uga kowe kabeh kudu sirna saka
bumi Majapait... yen ora trima iki tandhingmu bekel Mada sing bakal mbalekake wujudmu neng
kahyangane Bathara Yama. kaget para Dharmaputra weruh tingkahe
Bekel Mada sing ora dipetungake. :" Hee... Mada Cecak nguntal cagak
kowe wani nantang para Dharmaputra.... Heee.. kembar tandhing ana menus elek
kuwi... brabaat... Ra Kembar mencolot
saka palungguhane ngunus curiga ngancam dhadhane Bekel Mada, karepe mung
kepengin sepisan dadi Bekel Mada wis dadi bangke. nanging kecelik Mada mung
mingsed sejangkah awake miring kerise Ra Kembar mung kena angin nganti meh
kejlungup, ya durung wae jejeg adege ana tungkak nyampluk dhadhane njalari
dheweke tiba klumah... :" He Kembar aja kakang Mada tandhingmu
... iki Gajah Enggon mungsuhmu... sak
kala rame Sitinggil Dhatulaya Majapait..prang tandhing
Gagak biru
mungsuh Ra Banyak, Podhang gati mungsuh Wedheng. :"
Hee... Mada songar kowe wani mlebu kandhang Macan... pambengoke Ra kuti... :" Apa abamu kuti.. .... ing kene sing ana mung
mungsuh, ayo denga sing kuciwa,.... kabeh
Dharmaputra kalah kari ra Tanca pasrah teluk..... Patih Arya Tadhah. pasrah kalungguhan
Patih marang Bekel mada. Ratu Gayatri Dhawuh.... :" Wiwit dina iki Sira Bekel Mada tak
wisudha dadi Patih peparab... Patih Gajahmada..... gangsaran seseg... .. terus
sirepan... ( alon( :"
Mangestoaken dhawuh paduka kanjeng Ratu Putri... ing ngriki kepareng kula
Sumpah... Gajah mada ngunus pusaka... :" Sira Gajahmada Patih Amangku Bhumi tan
ayun Amukti Palapa ... Sira Gajahmada ...
:" Lamun
Huwus kalah Nusantara isun Amukti Palapa...
Lamun Huwus
kalah ring Gurun.,...
Ring
Seram,....
Ring Tanjung
Pura,...
Ring Haru,...
Ring
Pahang,....
Ring
Dhompo,....
Ring Bali,....
Ring
Sundha,...
Ring
Palembang,...
Ring
Tumasik,...
Sahandhap
Panji Majapahit.
Samana Isun
Amukti Palapa...
Gangsaran
seseg...
tancep kayon....
Cah Nganjuk.
