A S M O R O N D O N O
Langendriyan
R.M.H.Tondokusumo
1. Anjasmoro ari mami,
Mas mirah kulak-a warta,
Dasihmu tan wurung layon,
Aneng kutha Paralingga,
Prang tandhing Wuru Bisma,
Karia mukti wong ayu,
Pun kakang pamit palastra.
2. Wus bejane awak mami,
Tan tulus pangestuning dyah,
Dasar gembeng wong acingeng,
Ojo gawe wirang Bisma,
Mara ge patenana,
Eman-eman dhuh wong bagus,
Yen kongsi timekeng lena.
3. Ibo dukaning narpati,
Ratu ayu Majalengka,
Yen sira tumekeng layon,
Benjang yen ingsun kapanggya,
Paran atur manira,
Mestine ingsun katempuh,
Opo pepulihing duka.
4. Sira sun anggep pengarih,
Murih careming asmara,
Mariya nggonmu wirage,
Prabu kenya nuli prapta,
Nusul nggoningsun nendra,
Sun kekudang neng jinem rum,
Sun ngungrum sun manuhara.
5. Ojo sira andeleming,
Lah age sira malesa,
Ojo katon lanang dhewe,
Yo le yo nang Damarwulan,
Sun tan nedya nglawana,
Sakarsanira sun lumuh,
Murih apa nganiaya.
.jpg)
