LAHIRE WISANGGENI

LAHIRE WISANGGENI

CANDAKAN DEWA SRANI LAN DURGA,   WADYO BOLO

     Ldr. DIRADAMETA Pl.6

  Bk:  352 ~352  1121  3216 g

As.  .[ ~~6~   6656   7653   2232                     6365   6362   6365   6362 g

           6365   6365   6365   6362                    6365   235~   2353   2126 g

          3365   2126   3365   2126                     3365   2126   3565   3212 g

          ~~23   5676   22~3   5676                     22~3   5321   3532   6356 g ]

Wirama dados

           ~~6~   6656   7653   2232          [[ 6365   6362   6365   6362  g

          6365   6365   6365   6362               6365   235~   2353   2126  g

  ~33~ 6765 7621 3216  ~33~ 6765 7621 3216                     ~33~ 6765 7621 3216  ~3~5 ~6~5 ~3~2~1~2 g

 ~~~~ ~2~3 567~ 5676  ~2~2~~~3 567~ 5676                          ~2~2 ~~~3 561~ 2321  ~621 5612 ~6~3~5~6 g

 ~~57 6~57 6~57 6576  ~7~6 ~5~3 ~2~2 ~3~2 ]]

 ||~~~~~~~~|~~~~~~~~ |~~~~~i ~2 |~~3 i~2 i 6||

                            Uwus   a  glar

 ||~~~~~~~~|~~~6~56 5|~~~6~2~1 |~~~2~1~6 ||

               pra  wa    dya su  mé  wa

 ||~~~1~2~3 |~~~6~53 5|~65 6~~~i |~~~2 ~i~6 ||

              nedya mbak anglir   mendhung

 ||~~~~~~~~|~2 ~i~6~5 |~6~5~6~~ |~3~5~6~2 ||

          apan sampun sawéga  lan si ya ga

 ||~~~~~~~~|~3~5~6 ~i |~~~~~2 ~i |~2~5 ~i~6 ||

                           angra  kit gelar

 ||~~~5~3~2|~3~5~6 ~i |~~~~~3~2 |~3~2 ~i~6 ||

         kang kasebut        di ra da me ta

 ||~~~5~3~2|~3~5~6 ~i |~~~i ~2~5 |~6~3~2 ~i ||

          panganjuring   su  ka  aba-aba

 ||~~~2~5~6|~5~6 ~i~2 |~~~3 ~i~2|~3~5~36 6 ||

     pan arebut lampah  sayekti datan a na

 ||~~~~~i~6 |~~~~~i~6 |~~~~~5~3 |~~~i ~2~6 ||

      ingkang   carub    wor sa -  ju  ga

 ||~~~~~6~5|~6~2~13 3|~~~~~21 6|~~~1~2~2||

     madyaning alun-alun myang pa - sé  ban

 ||~~~~~1~2|~3~1~6~5 |~~~3~~~5 |~~~~~6~2||

       je jel   ri   yel    pa  ra     wadya

 ||~~~2~3~2|~~~1~6~5 |~2~2~2~~|~1~6~2~2 ||

    si ya ga  ing dhi ri sa wé ga  ing ga   ti.

                                     Koesby

WANA KRENDHAWAHANA

TANPA KANYANA ANA MENDHUNG TUMIYUNG KAWORAN ANGIN LESUS PINUSUS HANGGANDA MARUS. HANGGENDHIYENG WREKSA MANDHIRA, OYODE NGLAWER PATING SALUWIR, KUMREMBYAH LIR RIKMANING YAKSA GORA KANG HANGGEGIRISI. ANENGGIH  PUNIKA INGKANG AWASTA WANA KRENDHAYANA INGGIH SINEBAT KRENDHAWAHANA, UGI KATELAH PASETRAN GANDAMAYIT. GAWAT KALIWAT, WINGIT KEPATI TANGEH ANA JALMA MARA METU TAKSIH RAHAYU. TATA GELAR WUJUD WANA, HANANGING LAMUN DINULU SRANA SOCANING PRAMANAJATI, YEKTI PUNIKA KAHYANGAN DHANGKANING DEWA PANGGODHA TUWIN PANGRENCANA, AWASTA KAHYANGAN DHANDHANG MANGORE. WINASTAN GAWAT KALIWAT WINGIT KEPATI, KARANA ING MRIKU DADYA SRAMANING PARA DUBRIKSA, BAJUBARAT, GENJONG WARU  DHOYONG, ENGKLEK-ENGKLEK BALUNG ATANDHAK, JIM SETAN PRI PRAYANGAN, SUKMA SASAR MYANG BEKASAKAN.

SINTEN TA INGKANG SINUYUDAN BANGSANING NYELUMAN, LELEMBUT KLAWAN JIM SETAN, NENGGIH  PUNIKA TILAS WIDODARI TINJOMAYA INGKANG KENA SOTING HYWANG JAGAD NATA, WEWISIK PANDYA BATHARI PRAMUNI INGGIH SANG RANDYA BATHARI DURGA. DERENG DANGU LENGGAHIRA SANG BATHARI DURGA, KATUNGKA SOWANIRA INGKANG PUTRA NARENDRA TUNGGULMALAYA PRABU ANOM DEWA SRANI. REPEPEH-REPEPEH DENIRA NGABYANTARA GYA MANGSAH SUMEMBAH HANYUNGKEMI PEPADANE KANG IBU, GUMUJENG SORA SANG PANDYA BATHARI DURGA MULAT SOWANIRA PUTRA KINASIH. PRABU DEWASRANI NULYA HANGAWE  PENDHEREKIRA NENGGIH BANGSANING YAKSA LAN  BACINGAH, PRAGOLA BUTA GIMBAL, BUTA IJO BUTA BAJANG,  BUTA SUNDHUL LAN BUTA DHANGGLONG. PATING GLERO KADYA GERAH KAPAT ING MANGSA LABUH.  NJEGREG YAYAH TUGU SINUNGKARTA SANG BATHARI DURGA MULAT CITRANE INGKANG PUTRA, KETANG TRESNANIRA  PARANDENE PINISAHAKE KLAWAN SUDARMA. PADHA SAKALA RATUNING PANGGODHA MBRABAK NULYA ALON NGENDIKA

                         

ADA -ADA

UWUS   AGLAR   PRA  WADYA SUMÉWA

NEDYA MBAK ANGLIR   MENDHUNG

APAN SAMPUN SAWÉGA  LAN SIYAGA

ANGRAKIT GELAR

KANG KASEBUT DIRADAMETA

PANGANJURING SUKA  ABA-ABA

PAN AREBUT LAMPAH  SAYEKTI DATAN ANA

INGKANG CARUB  WOR SAJUGA

MADYANING ALUN-ALUN MYANG PASÉBAN

JEJEL  RIYEL   PARA  WADYA

SIYAGA  ING DHIRI SAWÉGA  ING GATI.

REMBUG

DURGA  : BAT TOBAT TOBAT,..ANAKKU NGGER DEWA SRANI,,,KOWE IKI ONO OPO TO NGGER, TAK SAWANG DINO DINO IKI KOWE KOYO NGENGGDONG BARANG KANG ABOT, ONO OPO NGGER MATURO KARO KANJENG IBU, KOWE SAMBATO KARO IBUMU BETARI DURGO IKI NGGER YEN KOWE DUWE GEGAYUHAN, YEN KOWE DUWE PAPINGINAN ENGGAL MATURO MARANG PANGUWISI DANDANG MANGORE IKI NGGER, MENGO PUN IBU SING BAKAL NYEMBADANI OPO SING DADI PENJALUKMU DEWA SRANI..

DEWA S : KANJENG IBU, PRANYOTO PAMAWAS PADUKO TAJEM, AWIT SAGET NGAWUNINGANI BILIH ING DINTEN SAMANGKE KENG PUTRO ING TUNGGUL MALAYA NEMBE NGGADAHI GEGAYUHAN.

DURGA  : AKU KUWI IBUMU..AKU KUWI SING NGLAIRKE KOWE, YO WIS SAKMESTINE NGERTI OPO SING MBOK PIKIRAKE NGGER, COBA MATURO ONO OPO NGGER…

DEWA S : KULO MENIKO NARENDRA ING TUNGGULMALAYA, BANDA DONYA TURAH TURAH, DRAJAT PANGKATKULO SAMPUN NGGADAHI, PARA KAWULO ING TUNGGUL MALAYA UGI SAMYA SUMUYUD DUMATENG KULO, ANANGING DERENG JANGKEP GESANG KULO SENADYAN BANDA DONYA, DRAJAT PANGKAT SAMPUN SUMANDING, NANGING DERENG WONTEN WANODYA INGKANG DADOS SISIHANING DEWA SRANI IBU..

DURGA  : E ALAH GUR PINGIN RABI WAE KOK BINGUNG…TO NGGER NGGER…KOWE KUWI NGOPO YO YO (SAMPAK)

ADA ADA

YEKTINE URIP PUNIKU

KUDU ELING LAWAN GUSTI

TINDAK TANDUK KANG UTAMA

KARYA NAKTYASING SASAMA

DEN ELINGO LAMUN MBENJANG

WONG URIP NGUNDUH PAKARTI

DURGA  : KOWE KUWI GAGAH, KOWE KUWI BAGUS, DASARE KOWE KESUNUNGAN BANDA DONYA, DRAJAT PANGKAT, KOWE KUWI RATU, WONG WEDOK YEN WERUH KOWE KUWI PODO NGRIYIP TAK KANDANI,..NGONO WAE KOK NDADAK BINGUNG, AYO KOWE NGOMONGO BOCAH WADON NGENDI, SOPO JENENGE, MORO GAGE OMONGO KARO IBU NGGER, PUN IBU KANG BAKAL NYEMBADANI PENJALUKMU NGGER, DEWA SRANI, KOWE PINGIN NJALUK WONG WADON SING MODEL PIYE, SING CILIK KLAKON, SING RAMPING AWAKE KLAKON, SING AYU RUPANE, SING GEDE DUWUR YO KLAKON, GAGE MILIO NGGER

DEWA S : KANJENG IBU, BARES CURES, BLAK KOTANG TERUS TERANG, SEJATOSIPUN INGKANG WANODYA INGKANG DADOS TELENGIN ATI KULO, MENIKO SANES WANITO LUMRAH,

DURGA  : LHO TEGESE DUDU WANITO LUMRAH KI PIYE NGGER, OPO DUDU WEDOK TENAN NGONO OPO PIYE, OPO WEDOK PALSU

DEWA S : MBOTEN…MBOTEN KANJENG IBU, TEGESIPUN SANES WANITO LUMAR MENIKO SANES WANODYA SAKING MARCOPODO, ANANGING WIDODARI SAKING KAHYANGAN KANJENG IBU

DURGA  : ALAH TOBAT..TABAO…WIDODARI KAHYANGAN

DEWA S : INGGIH KANJENG IBU

DURGA  : BAPAKMU KI PANGUWOSO KAHYANGAN, BAPAKMU KI RATUNE PARA DEWA, MENGKO KARI MATUR BAPAKMU PUKULUN BATARA GURU, APA KANG DADI PANJALUKMU MESTI BAKAL KASEMBADAN NGGER,..MESTI BAKAL KELAKON NGGER,..NJUR WIDODARI JENENGE SOPO NGGER SING MBOK TRESNANI

DEWA S : IBU,..MITURUT RAOS MANAH KULO,. MENAWI MBOTEN WIDODARI SING NIKU, KULO MBOTEN PURUN

DURGA  : PIYE NGGER

DEWA S : POKOKE MENAWI SANES NIKU KULO MBOTEN PURUN, KULO EMOH IBU,..AWIT SEMONTEN KATAHIPUN WIDODARI ING KAHYANGAN, INGKANG SAGET NDUDUT ATI KULO NGGIH NAMUNG WIDODARI SETUNGGAL MENIKO, SEDOYO WIDODARI KALAH MENAWI TANDING AYUNIPUN KALEH WIDODARI SETUNGGAL MENIKO,,

DURGA  : TERUS SOPO NGGER

DEWA S : WIDODARI SAKING KAHYANGAN SWARGO DAHONO, ATMAJANIPUN PUKULUN BATARA BRAMA, PUN DRESTANALA

DURGA  : HEH….OJO NGAWUR KOWE,… (SAMPAK)….OJO NGAWUR KOWE NGGER, YAK AMPUN KOK DADI NGAWUR KOYO NGONO TO KOWE NGGER

ADA ADA

Kagyat risang kapirangu,

Rinangkul kinempit-kempit,

Dhuh sang retnaning bawana,

DURGA  : JO NGAWUR KOWE DEWO SRANI, DEWA KAHYANYAN KUWI AKEH BANGET, ORA MUNG DRESTONOLO, DRESTONOLO KUWI UWIS DUWE BOJO NGERTI PORA KOWE KUWI…..

DEWA S : INGGIH KULO SAMPUN MANGERTO BILIH YAYI DRESTONOLO, MENIKO SAMPUN GADAH GARWO, NGGIH MENIKO PANENGAH PANDOWO RADEN JANOKO

DURGA  : GENE KOWE NGERTI,..GENE KOWE WIS MUDENG, DRESTONOLO KUWI WIS DUWE BOJO, TEGESE WIS WINENGKU DENING KAKUNG,..NGONO KUWI ORA BECIK, KUWI TUMINDAK OLO, NGRUSAK PAGER AYU,

DEWA S : MONGGO IBU, NEK MITURUT KANJENG IBU TUMINDAK MENIKO NGRUSAK PAGER AYU SUMONGGO, MENIKO RAK PEMANGGIHIPUN KANJENG IBU, NEK MITURUK PEMANGGIH KULO MBOTEN, MENIKO MALAH KOSOK BALENIPUN.

DURGA  : KOSOK BALEN PIYE

DEWA S : GAGAH GAGAHE WONG LANANG NIKU NEK SAMPUN SAGET NGREBUT BOJONE WONG LIYO, NGATEN IBU

DURGA  : WO…GAGAH..DENGKULMU ATOS KUWI, WONG NGREBUT BOJONE WONG LIYO KOK GAGAH KI GAGAH KO NGENDI,..NGAWUR KUWI JENENGE,.. WIS DADI WEWALER SING ORA BECIK,..SIJI NGREBUT BOJONE WONG LIYO, WONG SENENG TUNGGAL SAK BALE,,KUWI YO ORA BECIK, NGONO

DEWA S : SAMPUN KULO NIATI BILIH KATRESNAN KULO NAMUNG KALEH YAYI DRESTONOLO

DURGA  : KOWE NYAWANGO GITOKMU, HEMMM…BOJONE DRESTONOLO KUWI SOPO,,,PANENGAHE PANDOWO SI JANOKO, KOWE KUWI BEDO KARO JANOKO, JANOKO KUWI WIS KONDANG SAK INDENGE JAGAT MERGO KASINUNGAN DADI LELANANGANE JAGAT, KOWE KUWI NEK DITANDINGKE RO JANOKO KUWI ADOH ORA ONO APA APANE,KALAH SAK KABEHE, TAK KANDANI, MULO OJO NEKAT KOWE, TIMBANG LORO ATIMU, SAK ORA ORANE WIS TAK OMONGI SIK LHO, WIS TAK KANDANI LHO OJO NEKAT,..WONG GUR BONANG CILIK WAE LHO KOK AREP SENENG RO SINDEN…NYAWANGO TO..KOWE KUWI SOPO…NGONO..KOK NGGUMUN AKU…WIS TAK KANDANI LHO…KOWE KUWI WIS KALAH SAKKABEHE..LUWUNG MUNDURO..TIMBANG LORO ATIMU NGGER,….

DEWA S : MBOTEN IBU,.MENAWI KULOMBOTEN SAGET DAUP KALEH YAYI DRESTONOLO, ALUWUNG KULO ENTENGAKEN PEJAH KULO, KULOLUWUNG MATI KEMAWON IBU,…

DURGA  : HEMMM, KOSEK KOSEK NGGER,..WONG KOK KANDANANE ANGEL ERAM….YEN KAREPMU KOYO NGONO,,,PUN IBU KUDU KEPIYE…

DEWA S : PANGUWASA KAHYANGAN MENIKO RAK KANJENG ROMO ULUN BATARA GURU, KANJENG ROMO INGKANG WENANG NGGEPAK MUSTAKANE DEWOSAK KAHYANGAN, PADUKO KANTUN SAMBAT KALEH ROMO PUKULUN, SUPADOS MBUDIDOYO SEDYANIPUN KULO ANGGENIPUN KEPINGIN DAUP KALWH YAYI DRESTONOLO, IBU MENAWI KANJENG IBU MBOTEN SAGET MINANGKANI PANUYUWUNANIPUN KULO ALUWUNG MBOTEN NGERTOS PADANGE JAGAT, BADE KULO ENTENGAKEN PATI KULO IBU,,

DURGA  : IYO NGGER,…YEN PANCEN MENGGKONO, TAK MBUDIDOYO NYUWUN ONO NGARSANE RAMAMU PUKULUN BATARA GURU, DONGAKNO SUPOYO ENGGAL KASEMBADAN SEDYAMU NGGER…(SREPEK)

CANDAKKAN DEWA SRANI, TOGOG MBILUNG, WADYO BOLO

DEWA S : TOGOG, OPO DENE KOWE MBILUNG

TOGOG : KULO WONTEN DAWUH

BILUNG : KULO WONTEN DAWUH, SINUWUN

DEWA S : TOGOG, KOWE TAK KANDANI YO GOG,..DINO IKI RUMOMNGSO BOMBONG ATININGSUN, KARONO GEGAYUHANKU BAKAL KELAKON, YEN NGANTI GEGAYUHANKU KLAKON MENGKO AKU AREP ROPYAN-ROPYAN, SENENG-SENENG, YEN PERLU OJO NYAWANG AKEHE DONO PICIS KANG BAKAL NGELONG BANDANE NEGARA TUNGGUL MALOYO KENE GOG, AKU BAKAL SENENG-SENENG YEN PERLU PATANG PULUH DINO PATANG PULUH BENGI GOG

TOGOG : NYUWUN SEWU, KOK PENJENENGAN DAWUH INGKANG MEKATEN MENIKO KOLO WAU, SEJATOSIPUN GEGAYUHAN PADUKO MENIKO MENOPO, KULO KOK DERENG MANGERTOS MENOPO INGKANG DIPUN KERSAKAKEN

DEWA S : DINO IKI NEGARA TUNGGUL MALOYO BAKAL ANTUK KANUGRAHAN YO KUWI AKU BAKAL RABI GOG..

TOGOG : WAH..LAJENG PUTRI SINTEN SAKING PUNDI INGKANG BADE DADOS GARWO PADUKO KENG SINUWUN DEWA SRANI..

DEWA S : ORA ONO LIYO YO KUWI WIDODARI PUTRO SOKO KAHYANGAN SWARGO DAHONO, ATMAJANE PUKULUN BATARA BRAHMA, KENG ARAN DEWI DRESTONOLO

TOGOG : SAK DERENG IPUN KULO, NYUWUN PANGAPUNTEN, SAK ELING KULO BILIH DEWI DRESTONOLO MENIKO SAMPUN WONTEN INGKANG MENGKU, INGGIH PUNIKO RADEN JANOKO, MALAH SAK MIRENG KULO BILIH BEBRAYANIPUN DEWI DRESTONOLO KALEH RADEN JANOKO MENIKO SAMPUN BADE DIPUN PARINGI PUTRO, DADOS DEWI DRESTONOLO MENIKO SAMPUN NGGARBINI

BILUNG : 7 SASI, 7 CANDRA

TOGOG : NYUWUN SEWU LHO SINUWUN, MBOTEN KOK NGENDONI KEKAREPAN PADUKO, NANGING PADUKO MENIKO RATU

BILUNG : BAGUS

TOGOG : DASARE

BILUNG : SUDIH BANDA BANDU

TOGOG : NEGARI TUNGGUL MALAYA MENIKO

BILUNG : JEMBARE ORA JAMAK

TOGOG : NING NUWUN SEWU SING ATASE RATU

BILUNG : KUNCORO

TOGOG : AREP RABI KOK

BILUNG : NGRUSUI BOJONE UWONG

TOGOG : NGOTEN NIKU

BILUNG : MBOTEN APIK

TOGOG : TEGESE NIKU SAMPEYAN

BILUNG : NRUSAK PAGER AYU

TOGOG : ANGRONG

BILUNG : PRASANAKAN

DEWA S : NGRUSAK PAGER AYU KI TEGESE PIYE

TOGOK  : TEGESE NYENENGI

BILUNG : BOJONE UWONG

DEWA S : ANGRONG PRASANAKAN

TOGOG : TEGESE NYENENGI

BILUNG : DULURE DEWE, NGOTEN NIKU MBOTEN APIK

TOGOG : NGETEN NIKI NEK DITERUS AKE MBOTEN ENTUK

BILUNG : KABAGYAN

TOGOG : NING BEBASAN

BILUNG : KRIWIKAN DADI GROJOKAN

TOGOG : GEGUYON

BILUNG : DADI TANGISAN

TOGOG : NOPO AJENG BACIN, BANGER ASMANA

BILUNG : PRABU DEWA SRANI

DEWA S : TOGOG,……AKU TAK TAKON,,,PANGKATMU NING KENE KUWI OPO…

TOGOG : PIYE LUNG

BILUNG : YO WIS,..NEK WIS DIKANDANI NGEYEL YO WIS,, BATUR KI PANGEMBATE CATUR, NEK ONO RATU GUSTINE AWAKE DEWE KLERU KUWI, AWAKE DEWE WAJIB NUTURI, EWA DENE SING DITUTURI ORA KENO YO…ORA POPO, AWAK DEWE URANG ANGGONE NGELINGKE KENG SINUWUN PRABU DEWA SRANI, NING EWO DENE ORA MANUT, YO ORA MASALAH, MONGGO WAE,, NING MENGKO NIK ONO OPO OPO, SAMPEYAN OJO SAMBAT KARO TOGOG KARO BILUNG,

WEDA S : PRASETYANING ATIKU YEN NGANTI AKU ORA ISO DAUP KARO DEWI DRESTONOLO, LUWUNG TAK ENTENGKE PATIKU GOG, PERKORO IKI KABEH SING TAK LAKONI BAKALE AKU DEWE SING BAKALE NANGGUNG, OLO, BECIK, BENER LUPUT, BAKAL TAK LAKONANE GOG

TOGOG : O…NGGIH SAMPUN NEK SAMPUN DINIATI KOYO NGOTEN KULO NAMUNG NDEREK

DEWA S : KAKANG PATIH WREKSO DEWA

PATIH    : KULO WONTEN DAWUH

DEWA S : AYO KERIK LAMPIT BRUKAT KIMPUL, BUDAL MENYANG KAHYANGAN

PATIH    : SENDIKO, NGESTOKEN DAWUH

BUDALAN WADO TUNGGULMALAYA

JEJERAN KAHYANGAN SURALAYA

BETARA GURU, BETARA NARADA, BETARA INDRA, TEKANE DURGA

DJANTURAN KAHYANGAN SURALAYA

PUCAKING HALDAKA HIMALAYA, WONTEN TEJA HANGENGUWUNG, PUNIKA SANES TEJANING PANDHITA TAPA, YEKTI PUNIKA SASANA SRAMANE PARA DEWA. JAGAT WETAN RAMYANG-RAMYANG, JAGAD KULON MAYA-MAYA, ANA CAHYA KADYA URUPING DAMAR, NANGING SUNARE HANELAHI, DUDU SOROTING SURYA CANDRA NDARU KLAWAN KARTIKA, TUHU  PUNIKA KAPERBAWAN DENING GUMELARING KAHYANGAN SURALAYA, INGGIH SINEBAT KAHYANGAN NGONDAR-ANDIR BAWANA, PAKU JAMUR KATALIWARNA, INGGIH AWASTA KAHYWANGAN UJUNG GIRI KAELASA YA JONGGRENG SALAKA. ANA PADHANG DUDU PADHANGING RINA, ANA PETENG DUDU  PETENGING WENGI, PEGATING PANINGAL KAPANTOG URUPING CAHYA HANGENGUWUNG, PATING GALEBYAR PATING PALANCUR LIR KILAT SISIRING LANGIT. PUNIKA RERENGGAN TUWIN  PEPASREN ING KADEWATAN INGKANG ING NGUNI PINIJI SAKING

SESOTYA, KAYU SELA MAWATEJA NULYA KASENDHAL MAYANG KINARYA HANJANGKEPI RERENGGAN HING SURALAYA. TINON BALE ARARAS MARCUKUNDHA WINANGUN CANDHI TINUNDHA, TALUNDHAGE GIRI GORA, SAKA GURU KAYON KANG MAWA TEJA, OMPAK GENG SELA KARTIKA, JERAMBAH TINALASAH AKIK LINEBUR, NARATAS PRAPTENG TALUNDHAGAN LIR CINANDHI, TEPINE GINARIS RUNTUT LAN URUT, GINAPIT SELAKA MENUR,  PRAMILA KATINGAL SUMOROT MENGKU PRABAWA. SIANG RATRI DATAN KENDHAT, KINARYA PRATANDHA MUHUNG SEKAR KASTUBA INGKANG TINUNU WONTEN LUHURING BEJI. KALAMUN SEKAR SAMYA MEGAR TANDHA WANCI RAHINA, LAMUN SEKAR SAMYA KUDHUP, YEKTI PRATANDHA ING WANCI RATRI. LAH SINTEN TA INGKANG DADYA GEGUNUNGANING KAHYANGAN SURALAYA, WEWISIK SANG HYWANG GURU, MANIKMAYA, HYWANG JAGAD KARANA, JAGADNATA, HYWANG JAGAD GIRINATA, YA HYWANG JAGAD PRATINGKAH, HYWANG NILAKANTHA, HYWANG HUTIPATI, HYWANG

LENGIN, INGGIH HYWANG PRAMESTHI, RANDHUWANDA, SAMBA, HYWANG CATURBOJA, ADHITYANIRMALA, HYWANG BIRAWA, DEWARAJA, DEWAESA, HYWANG MAHADEWA BUDHA, ISYAKA, PASUPATI, PASUPRABU, HYWANG PRAWATA, HYWANG RUDRA, DEWA SYIWA, SIWAHBUDHA INGGIH WEWISIK HYWANG WISESA. HANGRATONI SANGGYA DEWA, WIDADARA, WIDADARI, HAPSARA, HAPSARI MIWAH HANGRATONI JAGAD TRILOKA. NUJU ARI RESPATI HYWANG GURU MIYOS TINANGKIL WONTEN MADYANING BALE ARARAS MARCUKUNDHA, LENGGAH DHAMPAR SELA KANDHA WARUBINANGUN, SESEMEK LEMBU HANDINI. DENIRA SINIWAKA KAHAYAP PARA HAPSARI KANG SAMYA HANGAMPIL UPACARA KADEWATAN NENGGIH KAYU KLEPU DEWANDARU, GEDHANG MAS PUPUS CINDHE DEBOG SWASA, SEKAR MAYANG KANG SARWI RUKMI. LENGGAHIRA HYWANG GIRINATA KAHADHEP TETUWANGGANING KAHYANGAN NENGGIH JAWATA SAKING SIDIK PANGUDAL-UDAL WEWISIK HYWANG NARADHA,  NARADADI, HYWANG KANEKAPUTRA, KANEKASABDA, RESI KANWAKABUDHA, DEWARESI, WATE GRESI, RESI ANGGANA. SALAJENGIPUN SINTEN TO INGKANG LENGGAH HAMARI KELU, ANENGGIH JAWATA KAENDRAN WEWISIK SANG HYWANG ENDRA, HYWANG SAKRA, SURAPATI INGGIH SANG RESI UPADYA. LENGGAH MABUKUH SUSILARJA TEMAH KONJEM TUMUNGKUL WEDANANE. WAU TO HYANG MANIKMAYA HANAMPI SOWANIRO BATARI DURGA YO PRAMONI, WUSNYA SATATA LENGGAH, HYWANG MANIKMAYA SIGRA HAMEDHAR SABDA, MANGKANA WIJILING PANGANDIKA INGKANG KAWIYOSING LESAN.

PATHETAN NEM AGENG

Myat jroning wardaya ngrumpaka kakandha ,
nujwèng ari sajuga ,
Srinata suméwa lênggah dampar dênta ,
ing sitinggil binatara ,
ingadhêp punggawa ingajap pra kênya ,
rungkêp ing paséwakan ,
tintrim kang suméwa ,
samya anilingakên pangandikaning nata.

ADA ADA GIRISA

Umyang swaraning wadya ,
wus samapta munya ,
kêndhang gong bèri arêbut papan
ing sajuru-juru ,
tan ana liru prênah ,
rêkyana patih mangka cucuking ,
pra wadya kuswa ,
risang Wrêsniwira mahambêg sudira ,
prawira tumangguh.

REMBUG

GURU    : OM AWIGNAM ASTU NAMA SIDAM, SEKARING BAWANA LANGGENG, KAKANG, KAKANG KANEKO PUTRO,

NARADA: PREGENJONG PREGENJONG,PAK PAK PONG, PAK PAK PONG, WARU DOYONG DI TEGOR UWONG, KALI JOTE SOPO SING GAWE, EAAAAAAAA……….WONTEN TINIMBALAN ING KANG ADAWUH ADI GURU, MIJI DUMATENG ULUN KAMITUWANE PARA DEWA HYANG KANEKO PUTRA.

GURU    : SAWETAWIS DIPUN PRAYOGAKAKEN ANGGENIPUN LENGGAH KAKANG

NARADA: NUN INGGIH, MBOTEN KIRANG PRAYOGI, LENGGAHIPUN ENGKENG RAKA ING SIDIK PANGUDAL UDAL,

GURU    : KAKANG NARADA

NARADA: WONTEN DAWUH

GURU    : ING KALENGGAHAN SAKMANGKE PUN MANIKMAYA BADE NYUWUN KATERANGAN BAB KAHANAN ING JAGAT KALENGGAHAN SAKMANGKE, NAMUNG KAKANG NARADA INGKANG SAGET PARING KATERANGAN DUMATEN ULUN

NARADA: O INGGIH, ADI GURU SAKALANGKUNG MRIHATOSAKEN KAWONTENAN JAGAT, KALENGGAHAN MENIKO, JAGAT KEBAK SESAMBAT, DONYA KEBAK RUHARA, NGENDI PAPAN NGENDI NGGON KEBAK WONG PADA PADUDON, LAH LUGUNIPUN PERKAWIS MENIKO KEDAH WONTEN KAWIGATEN INGKANG LANGKUNG TUMRAH KAHANAN ING JAGAT MENIKO, SARENG KULO TELITI KANTI PERMATI OPO TO SEBABE, JAGAT RAYA NIKU KEBAK RUHARA, DONYA KEBAK GEGERAN, KEBAK PASULAYAN, TINEMUNE JEBUL SAKPERANGAN MANUNGSO ING MARCAPADA MENIKO WIS KELANGAN JIWA TELUNG PERKORO

GURU    : KECALAN JIWA TIGANG PERKAWIS

NARADA: INGGIH ADI GURU, LHA INGKANG SETUNGGAL SAK PERANGAN MANUNGSA MENIKA SAMPUN KELANGAN JIWA KAMANUNGSAN, INGKANG NOMER KALEH, SAKPERANGAN MENUNGSA MENIKO SAMPUN KELANGAN JIWA KATRESNAN, DENE INGKANG KAPING TIGA SAKPERANGAN MENUNGSA MENIKO SAMPUN KELANGAN JIWA KABANGSAN, PRAMILO PENDAK DINA KEBAK RUHARA, GEGERAN, AWIT SAKPERANGAN MENUNGSA MENIKO SAMPUN KECALAN JIWA KAMANUNGSAN, KATRESNAN, LAN KABANGSAN.

GURU    : MEKATEN KAKANG

NARADA: INGGIH, SAKNIKI YEN MENUNGSA SAMPUN KELANGAN RASA KAMANUNGSANE MENIKO MBEBAYANI SANGET, CONTONIPUN SAK MENIKO SABEN DINO AKEH PATEN PINATEN, PERANG KARO SEDULUR, PERANG KARO KONCO, PERANG KARO TONGGO, LAN SAK LIYA LIYANE, KOYO KOYO NYOWO JAMAN SAKNIKI NIKU MURAH BANGET REGANE, COBI MANG PENGGALEH, COBI MANG GAGAS, ONO JABANG BAYI SING ORA MELU KENTANG KIMPULE LELAKON,URUNG DUWE DOSA, ORA NGERTI POJOK PLERETE WONG TUWANE, KENO NGOPO WONG WEDOK SAKWISE NGLAIRKE JABANG BAYI, WEKASANE MERGO ISEN, ANAK KUWI TANPO ONO BAPAK, MERGO DUMADI SAKING WONG LANANG SING PIRANG-PIRANG, UMBYUKAN, NGONTEN. WEKASANE WONG WADON SING NGANDUT KOLO WAU MERGO ISIN, JABANG BAYI SING ORA DUWE DOSA KOLO WAU DI GUWAK NING KALI, LAKON KOYO NGOTEN NIKU KATAH WONTEN ING JAGAT SAKMENIKO, COBI LAKON KOYO NGOTEN MENIKO NOPO MBOTEN KELANGAN JIWA KAMANUNGSANE. SING ATASE KEWAN WAE ORA MENTOLO MATENI ANAKE, LHA KOK UWONG MENTOLO KARO ANAKE, KOYO NGOTEN NIKU NOPO SIFATE MENUNGSA SAMPUN NGUNGKULI SIFATE KEWAN,

GURU    : NGATEN NGGIH KAKANG

NARADA: INGGIH, ……INGKANG NOMER KALEH KELANGAN JIWA KATRESNAN, SANES KATRESNANE WONG LANANG KARO WONG WADON, ANANGING KATRESNANE MANUNGSA KALEH MENUNGSA,…GESEH SITIK GEGERAN, BEDO PENEMU PADU,…LAKON MENIKO SAMPUN DUMADI..PARIBASAN SAMPUN SEGO JANGAN WONTEN ING JAGAT NIKI, LAH INGKANG NOMER TIGA INGGIH PUNIKA KELANGAN JIWA KABANGSAN, LHA LAKON MENIKO UGI KATAH WONTEN ING JAGAT SAKMENIKO, SAMPUN NGERTI YEN DINO KAMARDIKANING NEGARI NANGING KATAH TIYANG KON MASANG WUJUDE GENDERA, UTAWI UMBUL UMBUL KANGGO NGORMATI KAMARDIKANE NEGARI MAWON ANGELE MASAK AMPUN, YEN ORA DI URAK URAK KARO SESEPUH DESANE WAE ORA GELEM MASANG, NIKU NGGEN KULO KATAH, PIRANG PIRANG, MONGGO SAK NIKI KULO ATURI DOLAN TENG KAMARE BOCAH NOM NOMAN SAKNIKI, NEK CORO NOM NOMANE BETORO NARODO BIYEN, CORO KAMARE CAH NOM NOMAN BIYEN GAMBARE PORO PAHLAWANING BANGSA, LUPUTE NGONO GAMBAR WAYANG, NGGO SIMBOL KEBECIKAN, COBA CAH NOM SAKIKI, COBA JENENGAN LEBONI KAMARE CAH LANANG SAKNIKI, GAMBARE MESTI CAH WEDOK UDA, MARIA OZLOK KAWA, LHO PRIPUN, MIYABI MIYABI,......LH AMENI ING GATA SAKMENIKO, KATAH RUHARA, GEGERAN, KEBAT WONG SAMBAT, AKEH WONG PADUDON,..

ADA-ADA

MANGKA KANTHINING TUMUWUH,

SALAMI MUNG AWAS ELING,

ELING LUKITANING ALAM,

DADI WIRYANING DUMADI,

SUPADI NIR ING SANGSAYA,

YEKU PANGREKSANING URIP.

GURU    : KAKANG NARADA, SEJE INGKANG DIPUN REMBAK, SAK MENIKO MONGGO MENGGALIHAKEN BAB KAHYANGAN SURALAYA, MBOK MENAWI KAKANG NARADA NDEREK NRAOSAKEN BILIH ING KAHYANGAN SAKMENIKO BENTEN KALIYAN PADATAN, SAMPUN UDAKARA PITUNG CANDRA MENIKO, KAHYANGAN SURALAYA KETAMAN GORO-GORO KAGIRI GIRI, MUBAL ENDUTE SI BLEGEDOBO, MUBAL MULAK-MULAK KAWAH CONDRODIMUKA NGANTI NGELEPI KARANG KAWIDODAREN, NGAKAK TUTUKE KUMITIR PETITE SANG HYANG ANANTABOGA, DADYO BINGUNG SABILULUNGAN PARA HAPSARA HAPSARI, MITURUT GAGASANE KAKANG NARADA, MENAPA INGKANG HANJALARI KAHANAN KAHYANGAN INGKANG KADOS MEKATEN MENIKO, NYUWUN DAWUH KAKANG NARADA

NARADA: OH..MEKATEN ADIGURU (SAMPAK)

ADA-ADA

MARMA DEN TABERI KULUB,

ANGULAH LANTIPING ATI,

RINA WENGI DEN ANEDYA,

PANDAK PANDUKING DUMADI,

BENGKAS KAHARDANING DRIYA,

SUPADI DADYA UTAMI

NARADA: ADI GURU

GURU    : WONTEN DAWUH KAKANG NARADA

NARADA: ADAT LUPIYO INGKANG SAMPUN KELAKON, KAHYANGAN SURALAYA WONTEN GORO-GOROINGKANG NGGEGIRISI, HAWANIPUN BENTER, MENIKO MITURUT ILMU TITEN ULUN, MESTI WONTEN TITAH MARCOPODO INGKANG NEDENG TETEKI, UTAWI TAPA BRATA, AWIT SAKING GENTUR TAPANIPUN, WEKASAN ANJALARI KAHYANGAN KETAMAN GARA-GARA,

GURU    : MEKATEN KAKANG

NARADA: INGGIH,

GURU    : LHA MITURUT KAKANG NARADA, LAJENG SINTEN INGKANG NEDENG TAPABRATA, INGKANG WEKASANIPUN NDADOSAKEN GARA-GARA ING KAHYANGAN.

NARADA: LAH NEK SAK MENIKO KEBLAT PAPAT LIMA PANCER, MBOTEN WONTEN TITAH MARCAPADA INGKANG NEDENG TAPA BRATA,

GURU    : LAJENG KAHYANGAN SAGET WONTEN KAHANAN INGKANG MEKATEN, AWIT KENGING MENOPO KAKANG

NARADA: NIKI MUNG KIRO KIRO LHO NGGIH, AWIT HAWA BENTERE KAHYANGAN SAMPUN WONTEN PITUNG CANDRA SUWENE, NIKI WONTEN GANDENG CENENGE KALEH JABANG BAYI INGKANG DIPUN KANDUT DENING PUTRA SWARGA DAHANA, NGGIH PUNIKO DEWI DRESTANALA, AWIT SAKING AGENGE PERBAWA INGKANG MANGGEN WONTEN ING JABANG BAYI INKANG DIPUN KANDUT DENING DEWI DRESTANALA MENIKO, ADI GURU…

ADA-ADA

PANGASAHE SEPI SAMUN,

HAYWA ESAH ING SALAMI,

SAMONGSO WIS KAWISTARA,

LELANDHEPE MINGIS-MINGIS,

PASAH WUKIR REKSAMUKA,

KEKES SRABEDANING BUDI.

(SAMPAK) TEKANE DURGA (AYAK AYAK 6)

PATETAN

Hanjrah ingkang puspita rum ,
kasiliring samirana mrik ,
sêkar gadhung kongas gandanya ,
mawèh raras rênaning driya.

GURU    : TAK WASPADAKAKE, IKI KOYO KANG TUMEKA NING KAHYANGAN SURALAYA, GARWA ULUN INGKANG ULUN TRESNANI LAHIR TERUSING BATIN, SING MANGGON ONO KAHYANGAN DANDANG MANGORE, DURGA PADA BECIK SAKTEKAMU ONO ING NGAREPKU KENE,..

GURU    : BAT TOBAT..TOBAT…YA AMPUN AMPYUN…NUN INGGIH SOWAN KULO NIR ING SAMBIKOLO PUKULUN. GARWO KULO INGKANG TANSAH KULO SEMBAH SEMBAH, TANSAH KULO TRESNANI, TANSAH KULO KANGENI,  PANGABEKTI KULO PUKULUN MUGI KUNJUK SAHANDAPPEPODO PADUKO PUKULUN,

GURU    : IYA IYA DURGA, BANGET PANARIMA ULUN, DADYA BOMBONG MANAH ULUN ORA LIWAT PANGESTU ULUN TAMPANONO

DURGA  : DALEM

GURU    : PANGESTU ULUN TAMPANONO

DURGA  : NUN

GURU    : PANGESTU ULUN TAMPANONO

DURGA  : O INGGIH, TAK KIRO OPO LHO, PANGESTU PADUKO KULO TAMPI MUGI NDADOSAKEN RAH KAYUWANAN TUMRAP KULO SAK WARGO.

GURU    : IYO-IYO DURGA, LHA TERUS TAK SAWANG SAJAK SUMENGKO TEKAMU ONO ING KAHYANGA KENE, ONO WIGATI OPO MORO COBA MATURO MARANG ULUN

DURGA  : INGGIH PUKULUN, SOWAN KULO NGABYANTORO WONTEN NGARSO PUKULUN SESEMBAHAN KULO, INGKANG SEPISAN KEPINGIN TILIK KAYUWANAN PADUKO PUKULUN AWIT SAMPUN NDUNGKAP TELUNG CANDRA MBOTEN PINANGGIH KALIYAN PUKULUN INGKANG TANSAH KULO BEKTENI,

GURU    : MANGKONO DURGA

DURGA  : INGGIH SAK ESTU, INGKANG ONGKO KALEH KULO NGATURAKEN ALAM ONENG, ALAM ONENG TEGESE TEMBUNG KULO MENIKO KANGEN, SAMPUN DANGU KULO MBOTEN PINANGGIH KALIYAN PUKULUN DADOS KANGEN MANAH KULO, PUN DANGU KULO MBOTEN KANGEN KANGENAN KALIYAN PUKULUN,  YO KOYO NGONO KUWI LHO WONG LANANG DIKANGENI KOK YO ORA KROSO, ONO PARIBASAN MANUK MANYAR BUNTUTE DOWO

GURU    : KUWI OPO

DURGA  : MANUK MANYAR BUNTUTE DOWO, ENTUK SING ANYAR LALI KARI SING TUWO, GETING AKU (3X) HOROK KOYO NGONO KUWI COBA, WONG LANANG KI YO KOYO NGONO KUWI, DI KANGENI ORA KROSO, OPO RA NGERTI YEN WONG WEDOK KI YEN KADUNG KANGEN YOHHHHHH…..ORA ISO DI EMPET, YO KOYO NGONO KUWI LHO WONG WADON,…

GURU    : PAKARYAN ING KAHYANGAN SURALAYA KENE DURUNG BISA DITINGGALAKE, MULO YEN WIS ONO WEKTU LONGGAR ULUN BAKAL TEKO ONO ING DANDANG MANGORE

DURGA  : O ALAH, NGGIH PUKULUN, MATR NUWUN SANGET,  …..DENE INGKANG ONGKO TIGA, AWRAH BILIH KULO PINOTHAH DENING KENG PUTRA PUN DEWA SRANI, DEWA SRANI MENIKO SAMPUN NGANCIK DEWASA, DEWA SRANI MATUR BILIH DERENG GANEP GESANGIPUN DEWA SRANI BILIH DERENG PALAKRAMA PUKULUN

GURU    : O…DEWA SRANI PINGIN RABI

DURGA  : NUN INGGIH LERES PUKULUN,

GURU    : YEN DEWA SRANI KEPINGIN PALAKRAMA, ONO TETEMBUNGAN ANAK POLAH BAPA KEPRADAH, TEGESE YEN TO ANAK NDUWENI GEGAYUHAN PINGIN PALA KRAMA MBUH SAK BISA BISANE WONG TUWA KUDU BISA MBUDIDAYA MRIH KASEMBADANING GEGAYUHANE ANAK.

DURGA  : NUN INGGIH MATUR NEMBAH NUWUN,KULO GONDELI MENIKO INGKANG DADOS PANGANDIKAN PADUKA

GURU    : LHA BANJUR KIRO KIRO SAPA, SING DADI KEKAREPANE DEWA SRANI, SING AREP DIDADEKAKE TETIMBANGANE URIP.

DURGA  : PUKULUN INGKENG PUTRA DEWA SRANI SAMPUN MBERUNG MBERUNG KEDANAN DUMATEN WIDODARI ING KAHYANGAN,

GURU    : YEN TO KEDANAN KARO WIDODARI KAHYANGAN, MORO COBA KONDOHO, WIDODARI NGENDI JENENGE SAPA, ANAKE SAPA MENGKO ULUN KANG BAKAL PRENTAH MARANG WIDODARI MAU SUPAYA TURUN ONO ING NEGARA TUNGGULMAYANA DADI SISIHANE SI DEWA SRANI, MULO ENGGAL MATURO DURGA

DURGA  : PUKULUN, INGKENG PUTRA KEPINGIN DAUP KALEH WIDODARI SAKING SWARGO DAHONO, ATMAJANE BETARA BRAHMA INGGIH MENIKO DEWI DRESTANALA PUKULUN

GURU    : PIYE (SAMPAK)

ADA-ADA

KAGYAT RISANG KAPIRANGU,

RINANGKUL KINEMPIT-KEMPIT,

DHUH SANG RETNANING BAWANA,

YA SI TUKANG WALANG ATI,

YA SI TUKANG NGENESING TYAS,

YA SI TUKANG KUDU GERING.

GURU    : DURGA

DURGA  : WONTEN DAWUH PUKULUN

GURU    : OPO KOWE ORA KULAK PAWARTO, OPO KOWE DURUNG KRUNGU YEN TO

DURGA  : SAMPUN…SAMPUN PUKULUN,  MBOTEN KIRANG KIRANG ANGGEN KULO NGANDANI, MBOTEN KURANG ANGGEN KULO NGELINGAKEN DATENG KEN PUTRA PUN DEWA SRANI, “ DEWA SRANI KOWE MBOK OJO RABI KARO BOCAH KUWI, BOCAH KUWI WIS DUWE BOJO, WIDODARI KAHYANGAN AKEHE RANJAMAK MBOK KARO LIYANE WAE, NANGING DEWA SRANI MBEGUGUK NGUTA WATON, YEN ORA KUWI EMOH, DITAWANI LIYANE GEDEK, COBA WATAK KOYO NGONO KUWI YEN SING DITIRU DUDU GERANGANE SOPO MANEH, KOYO NGONO KUWI YO TIRU SOPO….DEWA SRANI KI ANAKE SOPO YEN DUDU ANAKE PENJENENGAN,

GURU    : IYO,..NANGING KABEH MAU KAN YO NGANGO TATA KRAMA LAN SARTO NGANGO PRANATAN, LAN ORA BECIK YEN TO DEWA SRANI NGAYUNAKE WIDODARI SING WIS DUWE BOJO, MULOKANG SOKO MENGKONO SIRO BALIYO NING TUNGGULMALAYA OMONGO KARO DEWA SRANI OJO NJALUK DAUP KARO DRESTONOLO, KON NJALUK WIDODARI LIYANEBAKAL TAK RABEKKE.

DURGA  : MBOTEN PUKULUN, KULOSAMPUN BOLA-BALI NAWAKKE WIDODARI WIDODARI, GAMBARE WIDODARI NIKU KULO DUDUHNE KABEH, NANGING NGGUWAK KABEH, UMPOMOIKI PIYE KARO GAMBARE KULO DUDUH KE,…GEDEK, UMPOMO IKI PIYE GAMBARE KULO DUDUHNE…YO GEDEK MANEH,…NANGING NYATANIPUN DEWA SRANI MUNG GEDAK- GEDEK KEMAWON..MBOTEN PURUN, PRAMILO KADOS P[UNDI KAWICAKSANAN PADUKO KENG SINUWUN..

GURU    : YEN TO DEWA SRANI GELEM RABI KARO WIDODARI LIYANE, AKU BISA MINANGKANI, EWADENE TETEP DEWI DRESTANALA AKU ORA BISA (SAMPAK) DURGA MAJU 

ADA-ADA

MANGKA KANTHINING TUMUWUH,

SALAMI MUNG AWAS ELING,

ELING LUKITANING ALAM,

DURGA  : NGGIH…NAMUNG SEMANTEN KATRESNAN PADUKO DUMATEN DEWA SRANI..NGGIH PUKULUN,..MATUR SEMBAH NUWUN,..MATUR SEMBAH NUWUN,..MENAWI PADUKO MBOTEN SAGET MINANGKANI PANYUWUNE DEWA SRANI, NGGIH..KAMONGKO DEWA SRANI WIWIT CILIK NGANTI GEDE, WIWIT INDIL-INDIL NGANTI ONDOL-ONDOL, WIWIT JABANG NGATI CRAPANG ORA TAU NGOPENI, BARENG ANAK DUWE GEGAYUHAN, PINGIN RABI WAE ORA BISA NYEMBADANI, DEWA SRANI DEWA SRANI, LUWUNG KOWE TAK PATENI DEWE WAE DEWA SRANI (SAMPAK) SIREP

DURGA  : NGOPO NDADAK DI PENGGAK BARANG, WIS TAK PATENANE DEWA SRANI

GURU    : OJO…OJO

DURGA  : AKU TAK LUNGO WAE..

GURU    : KOSEK ..KOSEK

DURGA  : PRIPUN DISEMBADANI MBOTEN

GURU    : IYO IYO DURGA…PANYUWUNE DEWA SARANI BAKAL TAK SEMBADANI

DURGA  : LHA RAK NGATEN ( SAMPAK SESEK----SUWUK)

ADA –ADA

KADANGMU PADA WARAHONO DEN ABECIK

BESUK ARYA MENDEMO BARIS

BARIS KANG PRAYITNO

GURU    : IYO..IYO DURGA..KANGGO BUKTI KATRESNAN ULUN MARANG PUTRAKU DEWA SRANI, BAKALTAKSEMBADANI OPO KANG DADI PENJALUKE, DINA SAKMANGKE BAKAL TAKPEGATAKE BEBRAYANE SI DRESTONOLO KARO SI JANOKO, SAK WISE DRERTONOLO PEGAT KARO JANOKO, DRESTONOLO BAKALTAK DAUPKE KARO SI DEWA SRANI

NARADA: MANGKE RIYEN ADI GURU, OJO NGAWUR (SAMPAK) WAH CILOKO IKI, WAH…GAWAT..GAWAT..GAWAT (NARADA MAJU) SUWUK

NARADA: O PRAGENJONG PRAGENJONG PAK PAK PONG PAK PAK PONG WARU DOYONG DI TEGOR UWONG….ADI GURU, NYUWUN SEWU MUMPUNG DURUNG KEBACUT, SEGO DURUNG DADI BUBUR, KULO ATURI NJABELPANGANDIKAN PADUKO, INGKANG BADE MEGATAKEN KATRESNAN IPUN DRESTONOLO KALIYAN JANOKO, NIKI MANGKE SAGET MAWUT SAKESTU, NIKI MENGKE SAGET GEGER NIKI MENGKE, NIKI DAUPE JANOKO KALIYAN DRESTONOLO MENIKO SANES KEKAREPANIPUN PIYAMBAK, MERGO JANOKO LABUH LABETE KALIYAN KAHYANGAN MENIKO AGENG, PRAMILO LAJENG DIGANJAR DAUP KALIYAN DRESTONOLO, ANAKE BETARA BRAMA, LHA BOCAL LORO WIS PODO SENENGE, WIS PODO MANUNGGALE RASANE, LAN MALEH SAMPUN NGANDUT JABANG BALI SING SUWENE SAMPUN PITUNG SASI, LAKOK MALAH BADE DIPUN PEGATAKEN, LHA MANGKE PRIPUN KEDADEANE, NGGIH UMPOMO JANOKONE TRIMO, YEN NGANTI SING MOMONG JANOKO ORA TRIMO,,HAYO,..YEN NGANTI KAKANG SEMAR NESU..TERUS MUNGGAH NING KAHYANGAN NGAMUK KAHYANGAN DI RUSAK..SOPO SING AREP WANI,..KAMONGKO KAKANG SEMAR NIKU NEK KADUNG NGAMUK PORO DEWO ORA ONO SING WANI NYEDAK,.NEK NGANTI KAKANG SEMAR MRIPATE WIS KETUTUPAN HAWA NEPSU,, TERUS NGAMUK NING KAWIDODAREN, TERUS SEMAR NGAWUR, NGASAK, KABEH WIDODARI TERUS PODO DI GOGOHI KARO KAKANG SEMAR, TERUS PRIPUN NGOTEN NIKU. PRIPUN JENENGAN..OPO ORA COTHO..

GURU    : DI GOGOI NAPANE

NARADA: DI GOGOHI ATINE, 

GURU    : KAKANG NARADA,

NARADA: KULO WONTEN DAWUH

GURU    : SEDAYA MANGKE ULUN INGKANG BADE TANGGEL JAWAB, KAKANG NARADA MENDELKEMAWON

NARADA: LHO MBOTEN SAGET, WONG DUWE LAMBE KOK KON MENENG NIKU PRIPUN, KULO WONTEN KAHYANGAN MENIKO DADOS TETUWANE DEWA ING KAHYANGAN, YEN ENTEN NYEWARE TUMINDAK PADUKO KULO INGKANG KEDAH MBENERKE

GURU    : ULUN ORA LUPUT, ULUN ORA KLERU

NARADA: KULO SING BAKAL NGELINGKE

GURU    : ULUN ORA LALI

NARADA: KOK ANGEL MEN TO DIJAK OMONGAN, TEGESE PENJENENGAN MBOTEN SARUJUK KALEH OMONGANE KULO

GURU    : MENAWI KAKANG NARADA MBOTEN COCOK KALIYAN KULO, TETEP TENG KAHYANGAN MONGGO, MENAWI MBOTEN SUGENG TINDAK

NARADA: LHO MALAH NUNDUNG (SAMPAK)

NARADA: WAHHH, LHA NEK PIMPINANE KAHYANGAN WIS KOYO NGONO BAKAL RUSAK TENAN KAHYANGAN, PANGUWASA KINARYA GADA, WEWENANG HAMBEGE SEWENANG WENANG, WONG GENAH NEK KLERU DI ELINGKE MALAH MECAT, PENJENENGAN CARA ALUSE TETEP TENG KAHYANGAN MONGGO, NEK MBOTEN NGGIH SUGENG TINDAK, NIKU PODO KARO KOWE MINGGATO, NIKU KULO PUN KRASA, KULO NIKI WONG TUWO KOK ADI GURU, KULO NIKI DEWA SING TUWEKDEWE NING KAHYANGAN MRIKI, PADUKO NGENDIKO PRIPUN KULO PUN KRASA, NGGIH KULO MATUR NUWUN, PANJENENGAN PUN MBOTEN NGGUNAKAKE DUMATEN KULO,

GURU    : LHA PENJENENGAN MBOTEN COCOK DUMATEN KULO, PRAMILO LUWUNG LEREN ANGGENE DADI SEWA

NARADA: NGGIH, MBOTEN NOPO NOPO, KULO MBOTEN DADI DEWO NGGIH MBOTEN PATEKEN, NGOTEN, OPO GOLEK MANGAN KI MUNG KUDU DADI PEGAWAINE DEWA, MBOTEN, KULO TENG KAHYANGAN MBOTEN DIKANGGONE, YO KULO TAK DADI YOGO, OPO DALANG ORA POPO, MALAH BERKAH, …KULO GERTI ADI GURU POKOK ANGGERE KETEKAN DURGA, TATANANE WIS BUBRAH KABEH,..MERGO KULO NGERTI PANJENENGAN NIKU DEWA KETOKE PIMPINANE DEWA NANGING KARO WONG WEDOK NYEMBAH,…LHO NIKU,,, PANJENENGAN WEDI KARO BOJONE, NGGIH PUN SAK NIKI KULO PAMIT, SURO DIRO JAYANINGRAT LEBUR DENING PANGASTUTI, BECIK KETITIK, OLO KETORO ADI GURU ( SAMPAK)

ADA ADA

MARMA DEN TABERI KULUB,

ANGULAH LANTIPING ATI,

RINA WENGI DEN ANEDYA,

PANDAK PANDUKING DUMADI,

BENGKAS KAHARDANING DRIYA,

SUPADI DADYA UTAMI.

DURGA  : PUN KERSANE BETARA NARADA MINGGAT NGGIH PUN KERSANE, MBOTEN USAH NGGUGU DUMATENG NGEDIKANE BATARA NARADA, NIKU CORO TIYANG NGATEN ILATE LANDEP, KULINO ICUK ICUK, DOL KONO DOL KENE, OMONGAN KENE DIGOWO RONO, OMONGAN KONO DIGOWO RENE, MAKSUDE SUPOYO KAHYANGAN MRIKI ORA BISO TENTREM, SAMPUN DEWA TUWEK KOYO NIKO MBOTEN USAH DI GONDELI, TASIH KATAH DEWA NOM NOMAN SING PINGIN MAGANG DADI TETUNGGULING PARA DEWA, MANGKE KANTUN NGAWONTENAKEN SEYEMBORO KAMITUWANING PARA DEWA, NGATEN MAWON, ASLINE DEWEKE NGOTEN MBOTEN SENENG KARO PANJENENGAN KETOK NING PINGIN DADI RATUNE PARA DEWA, ( NARADA TEKO)

NARADA: PIYE, KOWE MAU NGOMONG OPO, RUMANGSAMU AKU WIS TEKAN ADOH, LHA WONG AKU ISIH TEKAN NGAREP SETINGGIL KONO KOK, KOWE NGOMONG AKU DEWA TUWEK SING KULINO ICUK ICUK, SING BOSOK KI YO LAMBEMU KUWI, HAYO NGOMONGO,…KAHYANGAN SURALAYA ANGGERE KETEKAN KOWE KUWI MESTI GEGERAN, WIS TAK TITENI WIT SEPRONO SEPRENE, KOWE KUWI WONG WEDOK SING ORA KENO NGGO PATULADAN, NEK AREP NESU NESUA,   HAYO NESUA…O…BOLABALI KI NEK WIDODARINE SOPO SOPO GELEM YO KOYO NGONO KUWI

DURGA  : YAK AMPUNNNNNN (SAMPAK) OMONG OPO TO YO KOYO NGONO KUWI….YUH…YUHHHH (SAMPAK SUWUK)

DURGA  : PUKULUN GEK BETARA NARADA KI NGOMONG OPO TO YA, WONG NGELOKKE AKU KOK KOYO NGONO,…BIYUH BIYUH…NGELOKKE BETARI DURGA KOK GELEM RO SOPO SOPO,…LORO ATIKU…KULO DILOKKE GELEM RO SOPO SOPO…

GURU    : LHA GARI KOWE PIYE,,,IYO OPO ORA….

DURGA  : INGGIIIIIH,,,PUKULUN

GURU    : O ALAH YO UWIS,,,,NEK IYO YO UWIS..NGONO KOK NESU…WONG AKU NRIMO KOWE KUWI OPO ANANE KOK,   ,……………….BETARA ENDRA..

ENDRA  : INGGIH NGESTOKAKEN DAWUH

GURU    : TIMBALONO BETARA BRAMA,LUMARAP ONO ING NGARSA ULUN, ( SREPEK)

TEKANE BETARA BRAMA

ADA-ADA

PANGASAHE SEPI SAMUN,

HAYWA ESAH ING SALAMI,

SAMONGSO WIS KAWISTARA,

LELANDHEPE MINGIS-MINGIS,

PASAH WUKIR REKSAMUKA,

KEKES SRABEDANING BUDI.

GURU    : DEWA BRAMA

BRAMA  : NUN INGGIH NGESTOKAKEN DAWUN, PUKULUN

GURU    : DINO IKI ULUN TIMBALI MARAK SOWANG MERGO ULUN BAKAL DAWUH MARANG JENENG KITA

BRAMA  : NUN INGGIH, LAJENG KADAWUHAN MENOPO PUKULUN

GURU    : BALIYO MENYANG KAHYANGAN SWARGO DAHONO, TEMONONO ATMAJAMU SI DRESTONOLO LAN JANOKO, KITA KUDU BISA MISAHKE BEBRAYANE SI DRESTONOLO LAN JANOKO, PEGATE KATRESNANE WONG LORO IKU ( SAMPAK TLUTUR) SIREP

BRAMA  : MENAPA KULO MBOTEN KLENTU, NAMPI DAWUHIPUN KANJENG RAMA PUKULUN,

GURU    : JENENG KITA ORA KLERU, NAMPA DAWUH ULUN, DINA SAMANGKE ULUN KEPINGIN MISAH AKE KATRESNANE DRESTONOLO KLAWAN JANOKO, JALARAN DRESTONOLO BAKAL ULUN DAUPKE KARO SEDULURMU YA KUWI NARENDRA ING TUNGGUL MALAYA SI DEWA SRANI, KUWI SABDO ULUN WIS TAN KENO DI KOYO NGOPO,

BRAMA  : NAMUNG LEPATIPUN ANAK KULO MENIKO MENOPO PUKULUN, KAMONGKO DRESTONOLO MENIKO SAMPUN NGGARBINI PITUNG SASI KALENGGAHAN SAMANGKE, LAJENG BADE KADOS PUNDI ANGGEN KULO NGLAMPAHI DAWUH PADUKO MENIKO KOK KADOS CENGKAH KALEH BATOS KULO,

GURU    : AKU ORA PERDULI, PRENTAH ULUN KUDU MBOK TINDAKAKE, YEN NGANTI JENENG KITO MBADAL DAWUH ULUN, OPO KEPINGIN TAK CEMPUNGKE KAWAH CANDRA DIMUKA, …HAYO KUDU BUDAL DINO IKI, MANGKAT (SREPEK SESEK)

DURGA  : HEMMM…..JAN BOJOKU TENAN YEN NGENE IKI…

GURU    : IYO DURGA

DURGA  : PUKULUN MENAWI MEKATEN KULO BADE NYUWUN PAMIT, BADE NJAMPANGI LAMPAHE BETARA BRAMA, KETINGALE KADOS TASEH TIDO-TIDO ANGGENIPUN NAMPI DAWUHIPUN PADUKO PUKULUN, AWIT TESIH CENGKAH KALIYAN BATINIPUN BATARA BRAMA,

GURU    : IYO IYO DURGA SING ATI-ATI,..ULUN BORONG AMRIH KASEMBADYANING SEDYA, DEWA SRANI BISO DAUP KARO DEWI DRESTONOLO,

POCAPAN

JENGKARE SANG GIRINATA TANSAH BINAYANG BAYANGKARE

LIMBUKAN

CANDAKAN

BETARA NERADA, BAYU, KAMAJAYA

ADA-ADA

PUNAPA TA MIRAH INGSUN,

PRIHATIN WASPO GUNG MIJIL,

TUHU DAHAT TANPA KARYA,

SENGKANG RINEMEKAN GUSTI,

GELUNG RINUSAK SEKARNYA,

SUMAWUR GAMBIR MELATHI.

NARADA: PREKENCONG PREKENCONG PAK PAK PONG PAK PAK PONG WARU DOYONG DITEGOR UWONG, KALI JOTE SOPO SING GAWE, ORA PANLING IKI KOYO BATARA BAYU, KARO BATARA KAMAJAYA IKI,

BAYU     : HAAA….NARADA BAPAKKU IYA..

KAMA J : INGGIH RAMA PUKULUN, KULO KENG PUTRA KAMAJAYA

NARADA: ONO OPO NGGER LA KOK KOWE NGAGLAH ONO DALAN, NYEGAT LAKU ULUN

BAYU     : BETARA NARADA BAPAKKU, WEKTU IKI NGGONKU NYEGAT NARADA BAPAKKU ORA DUWE NIAT OLO, NANGING SUMURUPO AKU WIS WERUH YEN KAHYANGAN SURALAYA MORAT MARIT, KAHANANE ORA KARU KARUAN, HYANG BATARA GURU NGGUGU KAREPE DEWE, NALINGSIR SAKA ANGGER ANGGERE KAUTAMAN, KAHYANGAN WIS DUDU PAPANE WONG BECIK, KAHYANGAN DUDU PAPANE WONG BENER, KAHYANGAN WIS MALIK KEBLATE, MULO AKU NIAT BAKAL MELU MARANG NERADA BAPAKKU,

KAMA J : SEMANTEN UGI KULO UGI BADE TUMUT, EWANG PUKULUN MANDAP WONTEN ING MARCAPADA,KULO KINTEN KAHYANGAN SAMPUN MBOTEN TENTREM KANGGE PAPANE PARA DEWA

NARADA: A….PREKENCONG PREKENCONG PAK PONG PAK PAK PONG WARU DOYONG DITEGOR UWONG..KALI JOTE SOPO SING GAWE…OJO YO NGGER, BETARA KAMAJAYA, BETARA BAYU,,,OJO NGGER…PANCEN ANGGONKU NYELEHAKE KAMITUWANE DEWA WIS DADI NIAT ULUN, KABEH OMONGKU WIS ORA DIGUGU KARO ADI GURU, MULA PEDAH OPO AKU MANGGON ONO KAHYANGAN, WIS SAK IKI OJO PODO MELU KARO AKU, AKU ORA KEPINGIN SING ORA MELU KENTANG KIMPULE LELAKON MELU KENO PULUTE,

KAMA J : MBOTEN EWANG PUKULUN, KULO TETEP NDEREK PADUKO, WONTEN UNDI KEMAWON BADE KULO TUKKE

BAYU     : HA….AKU YO NGONO, NENG NDI WAE NARADA BAPAKKU, AREP TAK TUTKE

NARADA: O ALAH, WIS DIELEKKE ORA KENO, YO WIS SAK KAREPMU, MELU AKU YO KAREPMU,..MENGKO YEN ENENG APA APANE, ONO NESUNE ADI GURU,..AKU ORA MELU ELU LHO..AKU ORA AJAK AJAK KARO KOWE LHO NGGER, NANGING KOWE DEWE SING MELU KARO ULUN

BAYU     : YO AKU DEWE SING MELU NERADA BAPAKKU, YEN ENENG OPO OPO AKU SING NANGGUNG

KAMA J : SEMANTEN UGI KULO, INGKANG TUMUT EWANG BETARA NARADA, MENAWI ENTEN NOPO NOPO KULO PIYAMBAK INGKANG BADE TANGGEL JAWAB

NARADA: YO YEN WIS MANUNGGAL KOYO NGONO, AYO MUDUN ONO MARCOPODO, ORA DADI DEWA ORA POPO SING BAKU JAGAT IKI BISA AYEN TENTREM (SREPEK)

CANDAKAAN DURGA RO P KURAMBA DEWA,

ADA-ADA

UPAMA TYASE MANGUNGKUNG,

MULAT ING SIRA DYAH ARI,

SAYEKTI MELU MANGARANG,

TELASING RIRIS GUMANTI,

INGKANG TARANGGANA SUMYAR,

REMENG DENING SALAH KAPTI.

DURGA  : KURAMBA DEWA,..

KURAM  : KULO WONTEN DAWUH, KANJENG BETARI DURGA

DURGA  : AKU AREPTAKON KARO KOWE, KURAMBO DEWA, KOWE KUWI ISO SUGIH SOKO SOPO

KURAM  : INGGIH SAKING PADUKO, KANJENG BETARI

DURGA  : KOWE SEKTI MANDRA GUNA, JAYENG PALUGON, TINATAH MENDAT JINORO MENTER, SOKO SOPO SING MENEI ILMU KASEKTEN KARO KOWE

KURAM  : NUN INGGIH, PADUKO KANJENG BETARI DURGA

DURGA  : KOWE KUWI BISA DADI RATU GUNG BINATORO, SINUYUDAN PARA KAWULO KUWI MERGO MUJO KARO SOPO

KURAM  : NUN INGGIH, MUJO DUMATEN KENJENG BETARI DURGA

DURGA  : ELING YO NGGER, ELING,..OPO OPO TAK SEMBADANI,..OPO OPO TAKCUKUPI,.. BESUK YEN KOWE WIS MATI NYAWAMU DADYO WADYA BALAKU, DADI SIJI KARO JIM SETAN, PERI PERAYANGAN, ENGKLEK ENGKLEK BALUNG ATANDAK

KURAM  : KAWULO NOK NON, NUN INGGIH SENDIKO, KANJENG BETARI, SAMPUN DADOS PRASETYA MANAH KULO PUN KURAMBA DEWA, PERKORO MATI DIPIKIR MBURI, SING PENTING URIP NING ALAM NDONYA MENIKO SAGET DADI WONG SUGIH, SAGET DADI WONG PANGKAT, DRAJAT, KANG SARTO SINUYUDAN DENING PARA KAWULA KABEH, 

DURGA  : SUKUR YEN KOWE WIS DUWE TEKAT KANG KOYO MANGKONO, DINO SAMANGKO ONO PRENTAH SOKO AKU KANGGO KOWE KURAMBA DEWA

KURAM  : DAWUH MENOPO INGKANG KEDAH KULO TINDAKAKEN KANJENG BETARI,.

DURGA  : DINO SAMANGO BUDALO, GOLEK ONO DEWA TUWEK SING JENENGE BATARA NARADA, WONG KAE WIS WANI NGONEKKE AKU KANG KURANG PRAYOGA, MULA KANG SOKO KUWI SAMUBARANGE TAK PASRAHAKE KARO KOWE, SIYAGAKNO WADYA BALAMU, GOLEK ONO SAK KIWO TENGENE REPAT KEPANASAN, DINO IKI KERIK LAMPIT BRUKAT KIMPUL, GOLEK ONO BETARA NARADA AYO DI SIKSO, BANJUR DIPATENI

KURAM  : NGESTOKAKEN DAWUH KANJENG BETARI (SREPEK)

PAPAKAN KARO NERADA, PERANG GAGAL

ANAKE BATARA GURU Bhatara Cakra Batara Sambu Batara Brahma Batara Indra Batara Bayu Batara Wisnu Batara Ganesha Batara Kala Hanoman

ISMAYA

Batara Wungkuham

Batara Surya

Batara Candra

Batara Tamburu

Batara Siwah

Batara Kuwera

Batara Yamadipati

Batara Kamajaya

Batara Mahyanti

Batari Darmanastiti

WADYABALA TUNGGUL MALAYA NGRANJAB PANAH NENG PARA DEWA..KABEH MUNDUR

NARADA: O..PRAKENJONG PRAKENJONG PAK PAK PONG PAK PAK PONG WARU DOYONG DI TEGOR UWONG,..WA LADALAH…NGAMUK PUNGGUNG PARA WADYA TUNGGUL MALAYA WADYA BALANE DEWA SRANI ORA ISO DI ELINGKE CARA BECIK…NGRANJAP GEGAMAN, TUMBAK, PANAH, NGANTI MUNDUR BAYU LAN KAMAJAYA, WIS NGGER KOWE ADEKO DADI DEWA ULUN TAK SING ORA DADI DEWA, TAK MUDUN ONO MARCAPADA

KAYONAN

POCAPAN

DATAN KAWUWUSA, INGKANG MAPAN WONTEN ING KAHYANGAN SWARGA DAHANA, INGGIH SANG DRESTANALA INGKANG DATAN GENGGANG SAKREKMA KALIYAN RADEN JANOKO, LENGAH ING PENDAPI KAHYANGAN, NDADAK ING SAKALA MEDOT MULAT RAWUHIPUN KENG RAMA BATARA BRAMA,GALEYAH GALEYAH MINGGAH PENDAPI, WAUTO SAMYA HANGRANTU DAWUHNYA KENG RAMA BATARA BRAMA

KTW. PAMUJI

    Ktw. P A M U J I sl.mny

Bk:         123~ 3216  1653  2232 g

Ump.   3216   5616   1653   2232 g

Nyk.     ~22~   2232   3216   3621 g

             3212   6356   ~165   2352 g

             ~123   2126   1653   2232 g

OM AWIGNAM ASTUMANA,

MUGI RAHAYU-A SAGUNG DUMADI,

HANENUWUN,

KUNJUK ING NGARSA HYANG AGUNG,

MBENJANG LAHIRE SANG BAYI,

DADYA MANUNGSA KANG TANGGUH,

TANGGAP ING SASMITA LANTIP,

PRAWIRA JAYENG PALUGON.

CANDAKAAN DRESTANALA, JANOKO, BRAMA

PATHET LASEM SL NEM

 6   216.12 ,    65   5   5    5  5    5   56.53    3  ,

 O,   O      ,     de- ne u –tamaning   na -    ta

 3   3   3  3   3   3  356  56  , 216.53.56 ,

berbudi bawa leksa-   na ,       O           

2  2    2   2   2   2      21     1.216 ,   53

Li re  berbudi mangka-     na     ,  O 

3  3  3   3   3   3    356   56  ,   216.53.56  

Li la legawa  ing dri -   ya ,         O           

2        2        2     2    2    2    2    12 ,   

hanggung dennya paring da- na

3        56  5   5      5    5    532   2,

Hang ge  ganjar saben   di-   na

235  235    2       2  2   2   21   6.165,   6

lir -   re    kang bawa lek sa-    na,    O  

12   2  2 2    2   2     2    12     1.216.53

 ha- netepi   pangandi – ka  ,      O        

DREST  : SAK RAWUH PADUKO KANJENG RAMA, KULO NGATURAKEN SEMBAH PANGABEKTI KUNJUK

BRAMA  : IYO, NGGER, ATMAJAKU WONG AYU, DRESTANALA. NDAK TRIMO PANGABEKTIMU, ORA LIWAT PANGESTUKU WAE TAMPANONO YO NGGER WONG AYU,

DREST  : INGGIH KULO PUNDI NDADOSAKEN JIMAT, HANDAYANONO ING KASANTOSAN

JANOKO: KULO NGATURAKEN SEMBAH PANGABEKTI KUNJUK, RAMA PUKULUN

BRAMA  : IYO IYO JANOKO, TAK TOMPO ORA LIWAT PANGESTUKU WAU TAMPANONO

DREST  : ANDADOSAKEN KAGYATING MANAH KULO, DENE PADUKO RAWUH, MONGKO MBOTEN WONTEN TONDO TONDO MENOPO KEMAWON, NITIK DINTEN INGKANG SAMPUN KATETEPAKEN, DINTEN SAKMENIKO DINTEN KEMPALIPUN PARA DEWA WONTEN ING SURALAYA,NANGIN WONTEN MENOPO DERENG TELAS SURUTING SURYA HANGGENIPUN NETEPI KWAJIBAN DERENG PARIPURNO, LHA KOK PADUKO SMAPUN KUNDUR WONTEN ING KAHYANGAN SWARGO DAHONO, KANJENG RAMA

BRAMA  : IYO.. DRESTANALA

DREST  : KULO WONTEN DAWUH

BRAMA  : MARMANE RAMABALI ONO ING KAHYANGAN SWARGO DAHONO, MERGO ONO BAB INGKANG WIGATI, INGKANG RINANTAM SAKJRONING PENGGALIHE KENG RAMA, LAN BAB IKI ONO GANDENG CENENGE KARO BOJOMU SI JANOKO

DREST  : WONTEN PERKAWIS MENOPO, KALIYAN PENGERAN JANOKO, ROMO

BRAMA  : JANOKO

JANOKO: KULO WONTEN DAWUH

BRAMA  : MARA MAJUO KENE, NGGER JANOKO,..MONGKO JEJERING SATRIO NGONOKUDU MEMAYU HAYUNING JAGAT, SUPOYO BISO TENTREN ORANE KUWI ONO TANGANE PARA SATRIO, KLEBU ATMAJAKU SI JANOKO, MULO OJO KABEH KONGSI PADA NGRASANI YEN TO BETARA BRAMA DUWE MANTU SATRIYO YO KUWI RADEN JANOKO, NAGING ARA TAU DI ELEKKE KARO WONG TUWANE, NGGER KOWE BALIYO NGEMBANONO KWAJIBANMU DADI SATRIYO, SAWETARA GARWAMU TINGGALEN ANAKKU DRESTANALA TAK OPENANE ANGGONE NGANDUT JEJABANG BAYI SUWENE 7 SASI IKI, MENGKO YEN WIS ONO LAIRE JABANG BAYI IKI, SLIRAMU NGGER JANOKO BAKAL TAK TIMBALI SOWAN ONO KAHYANGAN, SING BAKU TAK JALUK KANTI BANGET ELINGO, ELINGO MARANG KEWAJIBANE SATRIYO, JANOKO

ADA-ADA

Teka dadak melu-melu,

Kaya budine wong ceplik,

Lali yen kalengkaning rat,

Ing bawana hamurwani,

Mustikaning jagat raya,

Dhemen lalen sanggarunggi.

JANOKO: SANGET MBOTEN NGINTEN, MENAWI MBOTEN WONTEN PANGANDIKAN SAKING RAMA PUKULUN, TANGEH MENAWI KULO EMUT DUMATEN KEWAJIBAN KULO, MILA SAMPUN DANGU ANGGENIPUN NILAR PRAJA ING NGAMARTA, SOHO KULO SAMPUN DANGU MBOTEN SOWAN DUMATENG NEGARI NGAMARTO, AWIT SAKING BOMBONGING MANAH KULO SAGET SUMANDING KALIH YAYI DRESTANALA, PRAMILO KULO NYUWUN PAMIT, TITIP ANAK KULO INGKANG DIPUN KANDUT DENING YAYI DRESTANALA..

BRAMA  : YO SING ATI ATI NGGER, JANOKO

JANOKO BUDAL NNG NGAMARTO

DRESAT  : NYUWUN PANGAPUNTEN KANGJENG RAMA, SARENG KULOPETANG PETANG JEBUL PINANGGIHE GANJIL,

BRAMA  : GANJIL PIYE DRESTANALA

DRESAT  : MITURUT GLAGAT PASEMON PADUKO, KADOS WONTEN BAB INGKANG NGANEH NGANEHI, KOK RADEN JANOKO DIKEN KUNDUR DATENG NEGARI NGAMARTO, RAMA KULO ATURI P[RASAJA KEMAWON WONTEN LELAKON MENOPO KANJENG RAMA, KOK PASEMON PADUKO BENTEN KALEH PADATAN, MENAWI PADUKO MBOTEN JUJUR DUMATEN KULO, KULOMBOTEN NRIMAKAKEN BAB MENIKO KANJENG RAMA,…(SAMPAK)

BRAMA  : ANAKKU NGGER, TAK TUTUP TUTUP PONO, TANPO GUNO, NYATANE KOWE WERUH MARANG PASEMONKU, KOWE WERUH KARO OPO SING TAK RASAKKE NGGER, SATEMENE ANGGONKU NGLUNGAKKE JANOKO, MERGO DUDU SOKO KAREPKU, AKU DI TANTING KARO PUKULUN BATARA GURU, SUPOYO MISAHKE KATRESNAMU KARO JANOKO, YEN ORA BISA MISAHKE KOWE KARO JANOKO, AKU BAKAL DICOPOT DADI DEWA LAN BAKAL DICEMPULAKE NING KAWAH CONDRO DIMUKA, AKU LUPUT, AKU KLERU, AKU NJALUK PANGAPURAMU YO NDUK, AKU WONG TUWO SING SALAH,

DREST  : TAK TEMONANE ULUN BATARA GURU    (SAMPAK)

BRAMA  : OJO NGGER, NDUK OJO NDUK, WADUH PIYE IKI,, …MATI AKU

CANDAKAN SURALAYA, BETARA GURU RO DURGA, TEKANE DRESTANALA

ADA-ADA

SUN IKI NGEMBANI WUWUS,

DEWA SANG HYANG HETIPATI,

BHATHARA SUKSMA KAWEKAS,

SIRA INGKANG DEN PARINGI,

NENGGIH MAOSANDI LATA,

PANGURIPE WONG SABUMI.

GURU    : DRESTANALA INGKANG NGABYANTARA NING NGARSA ULUN

DREST  : INGGIH PUKULUN, KULO NGATURAKEN SEMBAH PANGABEKTI

GURU    : YO ULUN TOMPO, ONO WIGATI OPO, JENENG KITO SOWAN TANPO TINIMBALAN

DREST  : NAMUNG BADE TAKEN, MENOPO LERES PADUKO BADE MISAHAKE KATRESNAN KULO KALIYAN RADEN JANOKO, LAN KULOBADE DIPUN DAUPAKE KALIYAN PUTRO PADUKO PUN DEWASRANI,

GURU    : IYO BENER, PANCEN KOYO MENGKONO, SLIRAMU BAKAL TAK DAUPKE KARO PUTRAKU SI DEWASRANI,

DREST  : KULO ATURI MASPAOSAKEN KAHANAN KULO, KULO SAMPUN NGGARBINI PITUNG CANDRA KALENGGAHAN SAKMANGKE, LAN KULONGGIH SAMPUN GADAH GARWO NGGIH MENIKO RADEN JANOKO,

GURU    : BAB JABANG BAYI SING MBOK KANDUT MENGO BAKAL TAK GEGE MANGSA, SUPAYA ORA NGRERIDU ANGGONMU DAUP KARO DEWA SRANI, YEN BAB BOJOMU SI JANOKO MULO RAMAMU BETARA BRAMA KANG SANGGUP MISAHKE ANTARANE KOWE KARO JANOKO.

DREST  : MENOPO TUMINDAK KANG KADOS MEKATEN MENIKO SAMPUN LERES, PADUKO NGAGADI WEWENANG NAMUNG HAMBEGE SEWENANG WENANG, DUWE PANGUWOSO NANGING KINARYO GODO, SAK DERENG IPUN KULO NYUWUN PANGAPUNTEN, KATRESNAN KULO DUMATEN RADEN JANOKO MENIKO TUWUS WONTEN ING SAK JRONING NOLO, KULO MBOTEN PURUN PISAH KALIYAN RADEN JANOKO, MENAWI PADUKO KEPINGIN NDAUPKE KULOKALIYAN PUTRO PADUKO PUN DEWA SRANI, KULO MBOTEN PURUN, KULO LUWUN MBOTEN SAH DADOS WIDODARI, KULO TAK DADOS MANUNGSA LUMRAH NANGING BEBRAYAN KULO SAGET LANGGENG KALIYAN RADEN JANOKO, MENAWI KULO PISAH KALIYAN RADEN JANOKO KULO LUWUT KENDAT TALINE MURDA, KULO ATURI NYAWANG KWANDA KULO PUKULUN ( SAMPAK)

BETARA GURU LUNGA, DURGA MAJU

DURGA  : BAT TOBAT TOBAT, DRESTANALA DRESTANALA, KEBANGETEN ANGGONMU NGELOKKE KARO EWANG BETARA GURU, SING ATASE KOWE KUWI MUNG KAWULANE WAE KOK WANI NGEPEL MUSTAKA, NYLENTIK TALINGAN, NGANTI ULUN BATARA GURU JENGKAR SAKA PALUNGGUHAN, BIYUH BIYUH WONG WEDOK KOK KOYO NGONO, KOWE DI KEPENAKKE ORA GELEM MALAH NGELOKKE SING AREP MULYAKKE AWAKMU, KOWE TAK KANDANI YO, KOWE KUWI EMAN EMAN AYUMU, YEN TO KOWE DADI BOJONE JANOKO, LUWUNG ANAKKU SI DEWA SRANI BAGUS, SUGIH BANDA BANDU, LHA KOK MUNG MILIH JANOKO, MONGKO KOWE DADI BOJONE JANOKO KI MUNG DI WAYUH PIRANG PIRANG KOK YO GELEM, BIYUH…BIYUH,..DRESTONOLO DRESTONOLO, MENGKO DAUPO KARO DEWA SRANI YA, ANAKMU MENGKO DI GEGE MONGSA, TERUS DI GUWANG, BEN BALI PRAWAN MANET, TERUS DAUPO KARO ANAKKU SI DEWA SRANI YO, DRESTONOLO,,,DRESTONOLO,,……(SAMPAK)

(DRESTANALA MAJU)

DREST  : WONG KOK ORA DUWE TATANAN, KOYO DEDAPURANMU KUWI BETARI DURGA, ORA MOKAL JAGAT IKI KEBAK WONG SING TUMINDAK OLO, MERGO SOKO POKAL GAWEMU, WONG WATAK KOYO BUTO, AKU ORA SUDI DAUP KARO ANAKMU SI DEWA SRANI, LUWUNG AKU MATI DADI BATANG NGATANG ATANG,,TIMBANG DADI BOJONE ANAKMU…

DURGA  : WO,…KURANG AJAR…CANGKEME (SAMPAK)

DRESTANALA DIAJAR DURGA,

POCAPAN

NGAMUK PUNGGUNG RISANG BETARI DURGA, MULASARA DUMATENG DRESTANALA, NGANTI KONTAL KAPRAPAL, KONDANG KAPRACONDANG, DAWAH ING BANTOLO, MBENGOK SORA KANTI LAHIRE PONANG JABANG BAYI, GLEWO GLEWO KOYO GOLEK KENCONO JALER PUTRANE SANG DRESTONOLO WAU

DURGA  : BAT TOBAT TOBAT…IKI TAK PULASARA, IKI MALAH NGANTI NGLAIRKE JABANG BAYI, BIYUH BIYUH, LANANG WUJUDE, BAT TOBAT TOBAT ORA BEDA KARO GERANGANE, BAGUSE ORA JAMAK, BAT TOBAT TOBAT.. BOCAH IKI YEN ISIH URIP BAKALE DADI PEPALANG ANGGONE DRESTONOLO DAUP KARO DEWA SRANI, DSEWASRANI …DEWASRANI…DRESTANALA BOYONGEN…BOCAH IKI TAK PATENANE

DRESTANALA DI GOWO DEWASRANI, WISANGGENI DI CEMPLUNGKE KAWAH KARO DURGA, KAWAH DICEMPLUNGI SEMAR, BAYI DI GEGE, KARO BANYU GEGE LANGSUNG GEDE, WISANGGENI TAKON BAPAKE, DIJAK MUNGGAH KAWAH, DIJAK MAMPIR NING KARANG KEDEMPEL DIKENALKE KARO ANAK ANAKE SEMAR.

GORO GORO

PATHET SANGA

SANGSAYA DALU ARARAS ABYOR KANG LINTANG KUMEDHAP,

TITI SONYA TENGAH WENGI,

LUMRANG GANDANING PUSPITA,

KARENGWANING PUDYANIRA,

SANG DWIJAWARA BRENGENGENG,

LIR SWARANING MADUBRANGTA,

MANUNGSUNG SARINING KEMBANG.

POCAPAN:

LAH ING KANA TA WAU, DHEDHEP TIDHEM SAKALA ING RATRI, DUPI ING MANGKÉ WUS BYAR PADHANG LABET SAKING SULAKING SANG SITARESMI INGKANG MADHANGI ING TENGAHING LANGIT, NENANGI RIPTANING CIPTA MULYA INGKANG ANJOKIRA MRING PUJA-PUJI LUHURING KANG MURBWÈNG RAT, DÉNÉ AMBABAR DAYA TENTREMING JAGAD. NALIKA ING MANGKÉ, ÉNDAHING TAWANG LABET TARANGGANA INGKANG SUMAWUR, KATHAH WARNANING KANG LINTANG-LINTANG INGKANG ABYOR ING LANGIT.

SINIGEG GANTI INGKANG WINURSITA, ‘TAN KADI INGKANG MAPAN ANÈNG ARANG KADEMPEL. NYATA LAMUN PARA PUNAKAWAN CATUR INGKANG SAMYA SUKA SUKA

  Ldr.P A R I W I S A T A sl.9

         Ki Nartosabdho

Buka :  22165  6622  1121 g

As.

  2156   2321   2156   2356

  1561   2165   1652   5321 g

Wirama I

 ||~~~~~2~~|~1~2~5~6 |~~~2~5~3 |~~~~~2~1 ||

      An    jajah desa   mi  lang     ko ri

 ||~~~~~2~~|~1~2~5~6 |~~~2~5~3 |~~~~~2~6 ||

       Ka  lamangsané  pa ri wi       sa ta

 ||~~~~~6~i |~~~~~2 ~i |~~~~~5~6 |~2 ~i~6~5 ||

    Wruh én  -  dahing     alam Nuswantara

 ||~~~~~2~6| ~i~5~3~2 |~~~2~5~3 |~1~1~1~1 ||

    Kèh kang adi luhung alas lan gunung gunung

Wirama II

 ||~~~~~~~~|~2~1~51 6|~~~2~~~~ |~5~3~2~1 ||

           Kabèh bangsa man -  ca ne ga ra

 ||~~~~~~~~|~2~1~51 6|~~~2~~~5 |~6~~~i 2 6||

           Padha gumun sar - ta    ngungun

 ||~~~~~~~~|~2 ~i~6 ~i |~~5 6~~i 6 |~~5 i~~6 5||

         Sesawangan anglam-lami tan mboseni

 ||~~~6~6~~|~6i 5~3~2 |~~~5~6~3 |~1~1~62 1 ||

   Kodrat - ing kawasa    kaya ti  nata janma

Wirama III / Ciblon

 ||~~~~~~~~|~2~1~~6 1|~5~12 2~2|~~~2~31 6||

         Sendhang megung trus ing  kedhung

 ||~~~~~~~~|~5~5~~6 3|~2~6~6~6 |~~5 5~6i i ||

           Sumber lubèr   kebak    wa  rih

 ||~6~~~ i~i |~~~2~~6 5|~2~2~32 2| ~~ i i~23 i ||

      Suwak - an   ba   nyu  blum bangan

 ||~~~~~~~~|~6~5~~6 i |~~~~~23 2|~~~6i 6~5 ||

           Kumricik ba  -  nyu né   be  lik

 ||~~~~~~~~| ~i~2 ~i~6 |~~~i ~5~3 |~~2 5~63 2||

           Ngisor tlaga    tandhon  to   ya

 ||~5~~~~~~|~6~6 ~i5 3|~~~5~23 2|~~1 132~1 ||

            Ke ti ga nge    rak trus  mi   li.

                                     

TEKANE SEMAR KARO WISANGGENI

KTW KADUK RENO

UMP.

E ANGIN MANGIDIT MILIR,

ARUM-ARUM LUMRANG BANJARANSARI.

LIK.

KEDHEP TESMAK NGADHEP KANG-

NEDHENG HUMEKAR,

KADUK RENA BREMARA NESEP SARINE,

MBRENGENGENG SI KUMBANG IKU -

ANTUK SEJATINING MADU,

SIRNANE LUNGKRAH LAN LESU -

KEBERE ELAR LAN MEKAR,

LAYU IDHEP IBERE LUMAYANG-

ING AWANG-AWANG,

MENCOK ING PANG -

RENA ANYANDHING KEMBANG.

WISANGGENI DI KANDANI KON TAKON BAPAKE NING KAHYANGAN, SURALAYA NEK ORA DIWENEI WERUH KON NABOKI

MANYURA

PATHET WANTAH, SLÉNDRO MANYURA

MÈH RAHINA SEMU ‘BANG HYANG HARUNA,

KADI NÉTRANING OGA RAPUH,

SABDANING KUKILA RING,

KANIGARA SAKETER,

KINIDUNGANINGKUNG,

LIR WUWUSING WINIPANCA,

PEPETOGING AYAM WANA.

JEJERAN KAHYANGAN

AYAK –AYAK MYR

ENDRA DI DADEKAKE KAMITUWANE, MERGO NARODO WIS ORA ONO NING KAHYANGAN, TEKANE WISANGGENI, TAKON BAPAKNE NENG BETORO GURU, GURU ORA WERUH DI AJAR WISANGGENI, KABEH DEWA DI AJAR WISANGGENI

SEMAR NGANDANI WISANGGENI SING BAKU DI AJAR LAN DI GOLEKI KI GURU DUDU DEWA LIYANE, WISANGGENI BUDAL

CANDAKAN, KRESNA, WERKUDARA, REMBUG, KRESNA AREP MENYANG KAHYANGAN SWARGA DAHANA, AREP NGELEINGKE BETARA BRAMA YEN JANOKO KUDU NETEPI KWAJIBANE DADI SATRIO, AJA MUNG NGUJA KASENENGAN, MERGA RUMANGSA BOMBONG ATINE DADI BOJONE DRESTANALA, TEKANE BETARA GURU, CRITA YEN KAHYANGAN KETEKAN WISANGGENI NGAMUK PUNGGUNG, NJALYK TULUNG NENG KRESNA, KON NYIRNAKKE WISANGGENI, TEKANE WISANGGENI. NGELOKKE KRESNO RO WERKUDORO KOK IRENG BERARTI KEMPROK, AREP DIPATENI WERKUDORO, TEKANE SEMAR, KRESNO TAKON KOK DI TUTKE SEMAR, WISANGGENI NGOMONG YEN IKI MBAHE, YEN WANI KARO MBAHE AREP DI TUTUKI SIRAE, KRESNA TAKON RO SEMAR, DI BISIKI SEMAR,MERGO WISANGGENI KON NGAMUK NING KAHYANGAN MERGO SALAHE BETORO GURU MISAHKE WONGTUWANE WISANGGENI, LAN WISANGGENI AREP DI PATENI, BASAN NGERTI KRESNA KAGET…WISANGGENI NGOMONG KOK ANTENG ANTENGAN,,, SENAR NGOMONG SING PERLU DI OYAK KI BETORO GURU,,,DUDU WONG LORO IKI…NEK DURUNG KAPOK TENAN, OJO MANDEK LHE NGGOLEKI…

BETARA GURU DI OYAK WISANGGENI…

CANDAKKAN PERTAPAN COKROWOLO BEGAWAN KANEKO SABDO, KAADEP JANOKO

REMBUG, BEGAWAN KANEKO SABDO NGANDANI PISAHE JANOKO MUNG SAWETORO, BAKALE ENGGAL KETEMU PEPADANG,…TEKANE BETARA GURU,…BETARA GURU KONDO YEN KAHYANGAN SURALAYA DIOBRAK ABRIK KARO WISANGGENI, BETARA GURU NJALUK TULUNG NING BEGAWAN KANEKA SABDO, BEGAWAN KANEKA SABDO NGONDANI YEN TUMINDAKE GURU KUWI WIS SALAH, ORA BENER, MULA GAWE BANGERE KAHANAN ING KAHYANGAN, LAN NGANDANI YEN BETARA GURU ISO NGRUMANGSANI SALAH, MULA KAHYANGAN BAKAL NEMONI PEPADANG,…BETARA GURU PRASETYA NGAKONI KALUPUTAN, LAN BAKAL NJALUK SEPURA MARANG SOPO WAE SING WIS DIGAWE LORO ATINE, LAN KONDO YEN JANOKO TETEP DADI GARWANE DRESTANALA…LAN AREP TAKON MANEH AREPTAKON NINGNDI KAMITUWANE DEWA YO KUWI BETARA NARADA…

KANEKA SABDO BADAR DADI NERADA

BETARA GURU NJALUK SEPURA NING NARADA..TEKANE WISANGGENI…

NARADA TEKON SEMAR..DIKANDANI YEN WISANGGENI ANAKE JANOKO KARO DRESTONOLO…JANOKO KAGET LANGSUNG NGRANGKUL WISANGGENI…WISANGGENI NGOLEKI IBUNE…GURU CRITO YEN DRESTONOLO DI PONDONG DEWA SRANI NING TUNGGULMALYA…JANOKO LANGSUNG NUSUL…

BETARA GURU TAKON SEMAR,,,KOK BOCAK WINGI SORE KASEKTENE KAGILA GILA…KON NYAWANG NGANGO PANYAWANG PRAMONO JATI.. MRIPAT BATIN…NING KANCING GELUNGE WISANGGENI,…ONO SANGYANG WENANG….NGANDANI DURU,…YEN BETARA GURU WIS LUPUT…BAKAL DIPIDONO…NANGING GANDENG NLENGGANA KALUPUTAN,,,DISEPURA…LAN KON BALI NING KAHYANGAN…KON NDANDANI KAHYANGAN…NGOMONG YEN WISANGGENI DADI TITAH KINASIH SANGYWANG WENANG… LAN GURU ORA OLEH WANI KARO WISANGGENI…WENANG BALI KAHYANGAN….GURU RO NARADA BALI KAHYANGAN

WISANGGENI KON NUSUL NING TUNGGUL MALAYA…NULUNG IBUNE

CANDAKAN…DEWASRANI,…RO DRESTONOLO….TEKANE JANOKO….PERANG DEWASRANI RO JANOKO…WISANGGENI TEKO…KETEMU IBUNE DRESTONOLO…DEWA SRANI KALAH PERANG RO JANOKO….

SEMAR TATAPAN KARO DURGA, DURGA MULEH

KRESNA, WERKUDARA AMUK AMUKAN

TAMAT

LAIRE WISANGGENI

OLEH : ADIYANTO, S.Sn,MM