MC ACARA SIRAMAN MANTEN

ADICARA SIRAMAN MANTEN ADAT JAWA 

PRANATACARA SIRAMAN

Ø  Pambuka

Ø  Sungkeman orang tua mempelai ke kakek nenek (kalau ada)

Ø  Pemasangan bleketepe, pemberian padi sauli pada tuwuhan

Ø  Sungkeman mempelai wanita ke orang tua

Ø  Mempelai wanita diantar kedua orang tua ke tempat siraman

Ø  Penyerahan tirta perwitasari oleh bapak mempelai wanita ke duta saroyo ( untuk mandi jamas mempelai pria)

Ø  Acara siraman  mempelai wanita oleh 7,9,11 orang diawali oleh orang tua mempelai wanita

Ø  Mempelai wanita dibantu orang tua melakukan wudu dilanjutkan mbanting kendi pertolo

Ø  Melakukan potong rikma dilanjutkan dengan tanam rikma oleh prangtua laki mempelai perempuan

Ø  Gendongan (orang tua laki menggendong mempelai wanita)

Ø  Riasan (mempelai wanita dirias oleh perias)

Ø  Dodol dawet

Ø  Kedua orang tua menyerahkan uang kereweng hasil dodolan dawet ke mempelai wanita

Ø  Pembacaan doa

Ø  Potong tumpeng robyong ( untuk disuapkan ke mempelai wanita)

Ø  Dulang pungkasan daro orang tua ke mempelai wanita

Ø  Ramah tamah

Ø  penutup

PAMBUKA

ASSALAMU ALAIKUM WR.WB

SALAM SEJAHTERA KAGE KITA SEDAYA

SUGENG………….

PARA PINISEPUH, PORO AJISEPUH INGKANG TANSAH KINURMATAN.

BAPAK SOHO IBU POROTAMU SEDAYANIPUN INGKANG TANSAH SINUDARSONO.

SAKDERENGIPUN MONGGO KITO SEDAYA MEMUJI SUKUR WONTEN NGARSANING GUSTI INGKANG AKARYO JAGAT, BILIH ING WEKDAL PUNIKO DINTEN….TANGGAL…..KITO SEDAYA SAGET MAKEMPAL WONTEN ING MRIKI KANTI KAHANAN SEHAT MBOTEN WONTEN ALANGAN SETUNGGAL MENOPO KEMAWON, LAN SAGET HANGESTRENI ADICORO SIRAMAN CALOM PINANGANTEN PUTRI ANAK AYU……PUTRANIPUN BOPO……SEKALIAN IBU.

PARA RAWUH, BAPAK SOHO IBU INGKANG TANSAH KINURMATAN.

MBOTEN KESUPEN ING ADICARA SIRAMAN MENIKO INGKANG WINENGKU GATI UGI NGATURAKEN PANUWUN DENING SANGGAR RIAS…….INGKANG DIPUN PANGARSANI DENING……DALAH ……STUDIO POTO…..

MUGIYO SAGET MRANANI ING PENGGALEH.

PASANG BLEKETEPE 

BAPAK SOHO IBU, PORO RAWUH INGKANG TANSAH KINURMATAN. ADICARA PASANG BLEKETEPE BADE KAWIWITAN  

KATURAN DUMATENG BAPA ……..SUPADOS PASANG BLEKETEPE, KANJENG IBU NGATURAKEN BLEKETEPE DATENG BOPO, LAJENG DIPUN PASANG DENING BOPO.

SATEMAH NETEPI DAWUHE TIYANG KINO, BLEKETEPE WUJUD SAKING PAPAN SUCI WONTENG ING KAHYANGAN INGKANG NAMI BALE KATAPI INGKANG NEMU SURAOS BILIH ING BENJANG TEMANTEN SAGETO SUCI LAHIR LAN BATINE. PASANG BLEKETEPE SAGET DIPUN WASTANI PASANG TARUP BILIH BADE NGAWONTENAKEN PAWIWAHAN MANTU,

SALAJENGIPUN KEPARENG BOPO…..ANGUDARI TUWUHAN AWUJUT PISANG ROJO LAN BADE PASANG WUJUDE PARI SAULI KENG NEMU SURAOS BILIH MUGIYO TEMANTEN ING MBENJANG SUBUR, MAKMUR, SENTOSA, RAHARJO, AKEH REJEKINE CUKUP SANDANG PANGAN LAN PAPAN PANGGONAN LAN ADOH SOKO GODHA RENCANA ANGGONE BEBRAYAN.

NGABEKTEN   

  

KATURAN DUMATENG BAPA DALAH BIYUNG KINASIH LENGGAH ING DAMPAR INGKANG SAMPUN KATATA KANTI LAKSANA. BAPA LENGGAH ING SAKIWA TENGENING PENGANTEN.

SAKDERENGIPUN JINAMAS ING WARIH, NI MAS CALON TEMANTEN PUTRI ING NGARSANIPUN BAPA DALAH BIYUNG KINASIH NYUWUN IDI PANGESTU DALAH NYUWUN AGUNGING PANGAKSAMA MRING INGKANG RAMA MIWAH BIYUNG KINASIH. AWIT CALON TEMANTEN PUTRI BADHE LUMEBET ING BEBRAYAN ENGGAL.

SANADYAN MBOTEN NAMUNG MENIKO INGKANG PUTRA SUMUNGKEM ING PEPADANIRA INGKANG RAMA DALAH BIYUNG. NANGING RAOSING PENGGALIH INGKANG RAMA DALAH BIYUNG SATUHU BEDA.  TATKALA SINEMBAH PEPADANE, KADYA SINENDHAL MAYANG BATHINE. TRENYUH JRONING WARDAYA. TRENYUHING NALA INGKANG DATAN SINAYUDAN, SATEMAH RAMA DALAH BIYUNG KUWAWA NGAMAPH TUMETESING WASPA. LUH MARAWAYAN, TUMETES TINAMPI KANTHI LUMAHING ASTA MRING KANG PUTRA. MINANGKA PRATANDHA TUMURUNING NUGRAHA, BILIH INGKANG RAMA DALAH BIYUNG INGKANG SAMPUN PARING IDI PALILAAH, MIWAH PANGESTU DHUMATENG KANG PUTRA HENGGENIRA ARSA DHAUP PALAKRAMA.

PARIPURNA NGABEKTI ING PEPDANIRA INGKANG RAMA KAKUNG DALAH BIYUNG KINASIH, KANG PUTRA CALON TEMANTEN MRING INGKANG RAMA DALAH BIYUNG LUMAMPAH TUMUJU SASANA JAMAS PASIRAMAN.

NGRACIK TOYA

            KAWURYAN RISING RAHAYU SAMPUN LENGGAH ING SASANA JAMAS PASIRAMAN. TUMULI BAPAK IBU SUHARSO NGRACIK TOYA SUCI PERWITA KANG MINANGKA SARANA JAMAS PASIRAMAN CALON PINANGANTEN PUTRI.

INGKANG RINACIK INGKANG SEPISAN, BAPAK ………………….. MUNDHUT TOYA SINUNTAK ING BOKOR, SALAJENGIPUN UGI TOYA SAKING LEPEN TEMPURAN. WARIH SAKING DALEM, HER SAKING LEPEN TEMPURAN, MIWAH TOYA SAKING DALEM RIKI SAMPUN MANUNGGAL DADYA SAWIJI. MUGI RISANG AYU SAMANGKE KASAWABAN SAKING WIBAWANING DALEM SARTA SAGED MANJING AJUR-AJER WARIH ING LEPEN TEMPURAN.

INGKANG KAPING KALIH, BAPAK …………….. NGLEBETAKEN KLAPA SEPUH SAGANDHENG. MUGI MENIKA DADYA PRALAMPITA GEGANDHENGANIPUN TIYANG SEPUH, NUN INGGIH BESAN KEKALIH, AWIT SAKING MANUNGGALING PUTRA CALON PINANGANTEN SARIMBIT. WOHING KLAPA, SANGSAYA TUWA SANGSAYA WICAKSANA. MUGI KEKALIH BESAN, SAMYA AGEGADHENGAN ASTA, NYAWIJI PARING PANGESTU MIWAH PITUTUR SEJATI MRIH INGKANG PUTRA CALON PINANGANTEN SAGED MANGGIH KAMULYANING GESANG.

INGKANG KAPING TIGA, BAPAK ………………..KABYANTU IBU MANUNGGALAKEN SEKAR SRITAMAN NYAWIJI KALIAN TOYA LAN KLAPA, SRI ATEGES RATU, TAMAN NENGGIH GUMELARING PUSPA. SRITAMAN ATEGES RETUNING SEKAR, WUJUDE MAWAR, MLATHI, KANTHIL, MIWAH KENANGA. PRALAMPITA APA KANG BINAWAR SAKING KEDALING LATHI PARA WREDHA SAGEDA TANSAH KUMANTHIL-KANTHIL ING WARDAYA, KUMENANG KENANG ING TUNG-TUNGING NALA. AMRIH ARUM GANDANIPUN SEKAR SRI TAMAN, DEN SEDYA MRIH GESANGIPUN RISING CALON PENANGANTEN SAGED ANGAMBAR ARUM GANDANE KADYA GANDANE SEKAR SRI TAMAN.

NGINTUN TOYA

            SAMPUN RINACIK TOYA SUCI PERWITA ADI DENING BAPAK IBU …………… SALAJENGIPUN MRING KARSANING KANG HAMENGKU GATI, NUN INGGIH BAPAK-IBU ………….KINEN NGATURAKEN TOYA SUCI ADI PERWIRA ADI DHUMATENG BAPAK IBU CALON BESAN. TOYA SUCI PERWITA MINANGKA SARANA JAMAS PASIRAMAN RISING CALON PENINGANTEN KAKUNG. SAMPUN MANGARSA BAPAK IBU …………… MAKATENTA PANGANDIKANYA INGKANG HANDUTA.

SAMPUN BIDHAL INGKANG DINUTA, DAYA-DAYA NGGENIRA LUMAKSANA, PARASING SEDYA HAMUNG KUMUDU-MUDU HANGENTASI KARYA, PRAPTA ING DALEMIPUN ………(BESAN)

SIRAMAN

AMRIH SAMEKTA MIWAH GANGSAR SAMUDAYANIPUN, KEPARENGA KULA ATURI UNINGA BILIH INGKANG BADHE PARING JAMAS PASIRAMAN SAMANGKE INGGIH MENIKA, PARA PEPUNDHEN, PARA PINI SEPUH, PITU CACAHIPUN. PINILIH GUNGGUNG PITU AMRIH RISANG CALAON PINANGANTEN PUTRI TANSAH PIKANTUH PITULUNGAN, KINASIH ING SASAMA, CINAKET MRING GUSTI.

PARA PEPUNDHEN DALAH PINISEPUH INGKANG KULA ATURAKEN KALA WAU INGGIH MENIKA :

1.     ……………..(BAPAK)

2.     ………..(IBU)

3.     …………………

4.     ……………………

5.     ……………….

6.     ………………………..

7.     ………………………

KEPARENGA DUMATENG PARA PEPUNDHEN, PARA PINISEPUH KASUWUN PANGESTUNIPUN PARING JAMAS PASIRAMAN DHUMATENG RISANG CALON PINANANGANTEN PUTRI.

1.     INGKANG SEPISAN PARING JAMAS PASIRAMAN NUN INGGIH BAPAK …………………..KANTHI KEBAK ING PANGATI-ATI, SARWA SARWI BINARUNG DONGA SUCI LUMEBERING TOYA WARADUNG SARANDUNING SARIRA RISANG AHAYU. ANCLES KADYA SINIRAM TIRTA SAWINDU, MAHANANI, AYEM,TEMTREM SAJRONING KALA.

2.     ING KAPING KALEHIPUN, KASUWUN IBU BIYUNG KINASIH PARING PANGESTU SESUCI, AGE-AGE MAREPEGI INGKANG PUTRI. KEBAK ING SUTRESNA, JINAMAS ING WARIH RISANG CALAON PIANGANTEN PUTRI. WARADIN ING SARIRA SAKING PUCUKING RIKMA DUMUGI SAMPARANING AHAYU.

3.     SALAJENGIPUN KEPARENGA INGKANG EYANG, NUN INGGIH EYANG ……………………..PARING PANGESTU DHUMATENG WAYAH, KANTHI PANGESTU SUCI DHIRI KARANA PARING JAMAS PASIRAMAN TOYA SUCI PERWITA ADI. KETANG TRESNANING EYANG MARANG WAYAH, SAKDERENGIPUN ANGGUYUR TOYA PARING PUJI PANDONGA RAHAYU. KANTHI PIANRINGAN TOYA PERWITA SARI MUGIYA CALON PINANGANTEN PUTRI HAYEM, TENTREM, KADYA PINARINGAN PANGAYOMAN RISANG AHAYU MRING INGKANG EYANG DUPI PIARINGAN PAMUJI DONGA MIWAH SINIRAM ING WARIH SUCI.

4 S/D 7     SESUAI NAMA

JANGKEP PITU CACAHE PARA PEPUNDHEN PARING JAMAS PASIRAMAN. MUGI-MUGI SUCI LAHIR LAN BATHINE RISANG AHAYU SATEMAH MDHEP MANTEP ANGGENIPUN CALON PINANGANTEN ING DINTEN BENJANG BADHE NGLAMPAHI UPACARA SUCI SARTA SAKRAL AGUNG INGGIH PUNIKA ADICARA PALAKRAMA. MAWANTU-WANTU BAPAK/IBU HERI NGATURAKEN AGUNGING PANUWUN INGKANG TANPA PEPINDHAN, MUHUNG GUSTI KANG MAHA MIRAH INGKANG BADHE MALES LUHURING BUDI PANJENENGAN SADAYA. AMIN.

SESUCI MECAH KEDHI

SAKLAJENGIPUN BAPAK ………………… PARING TOYA SESUCI INGKANG MIJIL SAKING TELENGIH KENDHI PRATALA. KENDHI WUS NGARANI WADHAH, PRATALA ATEGES LEMAH. ILINING TOYA BOTEN PEDHOT MRATANDAHANI. SEMPULUR ING KARAHAYON, SEMPULUR ANGGENIPUN KAGUNGAN KERSA, SEMPULUR ING SANDANG, BOGAM, DONYA BRANA. KANTHI SESUCEN MENIKA, MUGI-MUGI RISANG AHAYU ANGGENIPUN BADHE NGAYAHI WAJIB, KALIS ING GODHA RENCANA, KALIS ING SAMBIKALA, HAMUNG RAHAYU KANG BAKAL TINEMU.

(NIAT INGSUN ORA MECAH KENDI, NANGING MECAH PAMORE ANAKKU) DITIRUKAN OLEH ORANG TUA CALON MANTEN

PANGKAS RIKMA

TITI LAKSANA SALAJENGIPUN NUN INGGIH BAPAK ………………………. ARSA MANGKAS RIKMANE INGKANG PUTRI. PANGKASAN RIKMA WINADHAH ING MOK, TINAMPI DENING INGKANG IBU. MUGI RISANG AHAYU NYEMBADANI KEKUDANGANIPUN INGKANG RAMA MIWAH IBU KADIDENE SASMITA PANGKAS RIKMA NUN INGGIH WIWIT SAMENIKA RISANG AHAYU SAMEKTA BAWA PRIANGGA KALAMUN SAMPUN KULAWARGA MANGUN GESANG TEMBAYATAN KALIYAN INGKANG GARWA.

PONDHONGAN

            RAMA KAKUNG TUMINDAK BOPONG PUNGKASAN, INGKANG PARING SASMITA HAMBOK BILIH  ING DINTEN MENIKA RAMA KAKUNG SAGED MBOPONG PUTRINIPUN INGKANG PUNGKASAN.

TANEM RIKMA

            KAWURYAN BAPAK IBU ………………….. SAMPUN MIJIL SAKING WISMA ARSA TUMUJU WONTEN ING PUNDI DUMUNUNGING PAPAN INGKANG KANGGE HANANEM RIKMA. PUNDI DUNUNGING PAPAN MINANGKA HANANEM RIKMA, NUNGGIH WONTEN ING PALATARAN WIWARANING GAPURA INGKANG SISIH KIWA. KAWURYAN SAMPUN SAWEGA, INGKANG IBU SARWI NGUNANDIKA,

GOTEKING KANDHA, UJARING BAKUL SINAMBE WARA, BILIH PAPAN INGKANG MINANGKA SASANA PANEMING RIKMA BISA KANGGO TAMBA KANGEN. BENJING KALAMUN INGKANG SAMPUN PALAKRAMA TEMTU BADHE UWAL SAKING PANGKONING BAPA MIWAH IBU, BAWA PRIYANGGA MANDHIRENG PRIBADI, MPAN WONTEN ING WISMA PRIANG GESANG MULYA KALYAN INGKANG GARWA.

PEPISAHAN MEKATEN SAWANCI-WANCI SAGED NUWUHAKEN RAOS KAPANG ING WARDAYA. NALIKA RAOS KAPANG DATAN BISA SINAYUDAN, INGKANG BAPAK MIWAH IBU CEKAP MRIKSANI PAPAN INGKANG KANGGE NANEM RIKMANE CALON PENGANTEN, SATEMAH RAOS KAPANG SAGED ICAL MUSNA, ANANE MUNG RASA SUKA LAN BOMBONG MRING URIPE PUTRANE.

POTONG TUMPENG/ PECOK TUMPENG

            PARIPURNA BAPAK IBU ………. METAK RIKMA INGKANG PUTRA, DAYA DAYA TUMUJU WONTEN PUNDI DUMUNING PAPAN AMANGKAS TUMPENG. PARA KADANG KULA SAKING PAKET PENGANTIN SAMPUN SAWEGA HANYAWISAKEN. NALIKA SAMANA BAPAK IBU …….. SAMPUN SUMANDHING ING TUMPENG. SARWA SARWI KEBAK ING PANGATI-ATI BAPAK ……. MANGKAS TUMPENG, TUMULI KAPARINGAKEN DHUMATENG GARWA NENGGIH IBU ……… SAMPUN KATAMPI PUCUKING TUMPENG, GANDHENG RENTENG RENTENG BAPAK IBU SUHARSO TUMUJU WONTEN PANTI BUSANA, NENGGIH PANTI RISANG CALON PINANGANTEN PUTRI KANG NEMBE SINUMBAGA MRING JURU SUMBAGA.

PANGKASANING TUMPENG MINANGKA SARANA DULANG PUNGKASAN. MRATANDHANI KALAMUN BAPAK IBU SUHARSO PARING WASIAT DHUMATENG INGKANG PUTRI SUPADOS TANSAH BEKTI MRING PANGERAN, DATAN SUPEN MRING JATINING PANEMBAH, TANSAH MUDHI DHAWUHIPUN GUSTI, SARTA NYINGKIRI ING PEPACUHIPUN.

DULANG PUNGKASAN

ORANG TUWA MANTEN NDULANG CALON MANTEN

SADE DHAWET

            KAWURYAN BPK/IBU ………….. SAMPUN MIYOS SAKING PANTI. IBU ……………. NGINDHIT WAKUL MINANGKA WADHAHING ARTA ASILING SADE DHAWET. DENE INGKANG GARWA NENGGIH BAPAK …………….. NGASTA SONGSONG UTAWI PAYUNG.

KANG WUS SAWEGA PARING PEPAYUNG MRING KANG GARWA. ATEGES DADI WONG TINITAH KAKUNG MONO KUDU BISA PARING PENGAYOMAN MRING INGKANG GARWA AMRIH INGKANG TINITAH WADON AYEM, TENTREM, KALIS SAKING WAS SUMELANG.

RAME ANGGENAIRA ANTRI SAMYA MUNDHUT DHAWET,  DADYA PRATANDHA KALAMUN ING DINTEN BENJING, RAWUHIPUN PARA TAMU ANTRI DALIDIR KADYA KANG SAMYA MUNDHUT DHAWET.

SARWA-SARWI MIRAH, HANGGENIRA IBU SUHARSO SADE DHAWET, DHAWETE AYU, MANIS ING RASA, MILA SAMYA SUKA PARI SUKA INGKANG SAMYA ANTRI BADHE MUNDHUT DHAWET. MBOTEN WONTEN INGKANG KUCIWA ING RASA, SNMYA SUKA ING NALA.

KAJAWI PUNIKA, SDAYAN DHAWET UGI DADOS PRATANDHA BILIH BPK/IBU SUHARSO SUKA DENE MRING SESAMI. SATEMENE SAPA WONGE MURAH MRING SASAMA, BAKAL PINARINGAN MURAH MRING GUSTI KANG MAHA KUWASA.

PANUTUP

MAKATEN NAPA INGKANG SAGET KULA ATURAKEN WONTEN ADICARA SIRAMAN MENIKA, MBOTEN KESUPEN KULA ING NGRIKI MINANGKA SESULIHIPUN INGKANG HAMENGKU GATI, NGAMBALI ATUR SUGENG RAWUH SINARTAN ATUR AGUNGING PANUWUN INGKAN TANPA PEPINDAN REHNING PANJENENGAN PARA TAMU SAMPUN MINANGKANI PAMUNDHUTIPUN BPK/IBU ………….

PARA RAWUH PARA LENGGAH,

DENING KULA NINDAKAKEN URUT RERONCENIPUN ADICARA, MILAI PURWA DUMUGI PARIPURNA TARTAMTU KATHAH KEKIRANGANANIPUN UGI KEKILAFAN KULA, MILA MENIKA KULA NAMUNG NYENYADHONG LUMUNTURING SIH SAMODRA PANGAKSAMA DUMATENG INGKANG HAMENGKU GATI UGI PANJENENGAN SEDAYA, LABED BUDI DAYA KULA MANUNGSA. NUWUN.

DOA JAWA
BISMILLAHIRROHMANIRROHIM

SAKDERENGIPUN  HASTUNGKORO KAWIWITAN SUMONGGO KITO SARENG NGUNJUKAKEN HASTUNGKORO ING NGARSO DALEM GUSTI INGKANG MOHO WIKAN KANTI NDEREK KAPITADOSAN IPUN SOWANG-SOWANG SUMONGGO KULO DEREK AKEN.

DUH GUSTI INGKANG MOHO AGUNG, KAWULO NEMBE KEMAWON PURNO NINDAK AKEN PEPANGGIHAN UPOCORO PAWIWAHAN AGUNG KANTI BERKAH PADUKO DUH GUSTI ALHAMDULILLAH PINARINGAN RANCAK LAN LANCAR.

DUH GUSTI INGKANG MOHO WIKAN, MUGO PADUKO PARING KESEHATAN LAHIR LAN BATIN DUMATENG PINANGANTEN MUGI ENGGAL TUMAPAK ANGGENIPUN BADE NGAYAHI BEBRAYAN INGGAL.

DUH GUSTI INGKANG MOHO WELAS ASIH, MUGI PADUKO PARING DUMATENG PINANGANTEN, IMAN INGKANG KIYAT SUPADOS ANGGENIPUN NAMPI PACOBAN-PACOBAN INGKANG BADE KASANDANG.

DUH GUSTI INGKANG MOHO WICAKSONO , MUGI PADUKO PARING RIZQI DUMATENG PINANGANTEN, RIZQI INGKANG KATAH SOHO BERKAH, SUPADOS SAGET TENTREM ANGGENIPUN NINDAKAKEN IBADAH.

DUH GUSTI INGKANG MOHO WICAKSONO, MUGI PADUKO PARING DUMATENG PINANGANTEN ATOMOJO INGKANG SOLIKHAH

DUH GUSTI  MUGI PADUKO JODOAKEN SRI TEMANTEN KADOS PANJENENGAN RAKETAKEN ANTAWISIPUN BATAR KAMAJAYA DALAH DEWI RATIH.

DUH GUSTI MUGI PANJENENGAN PARING YUSWO DUMATENG SRI TEMANTEN KEKALIH YUSWO INGKANG PANJANG LAN MANFAAT, LAN NYARASAKEN DUMATENG BADANIPUN TEMANTEN SARIMBIT.

DUH GUSTI SESEMBAHAN KAWULO, MUGI PANJENENGAN BAGUSAKEN DUMATENG NGAMALIPUN TEMANTEN SEKALIAN, MUGI NGUDANANI PUNOPO INGKANG DADOS PANYUWUN KAWULO.

AMIN..AMIN…AMIN YAROBAL ALAMIN

RAHAYU, RAHAYU, RAYAHU SAGUNG DUMADI